Офiс i фiтнэс — паняццi сумяшчальныя

Источник материала:

Зарадка на працоўным месцы — вось што выратуе нас ад дэпрэсii, а цела — ад маларухомасцi. Нялёгка, згадзiцеся, бывае прымусiць сябе зрабiць зарадку, праводзячы цэлы дзень за офiсным сталом перад манiторам камп’ютара. I справа не толькi ў нашай ляноце: здаецца, вось толькi сабраўся зрабiць колькi прысяданняў цi iншых практыкаванняў, як тут жа спатрэбiшся калегам па рабоце, начальству. I ўсё ж знайсцi 15 хвiлiн на працягу 8-гадзiннага працоўнага дня можна кожнаму. Лепш зрабiць гэта апоўднi цi перад абедам (але не варта адразу пасля размiнкi накiроўвацца ў сталовую).

Пачнём з паставы. Прыгожая пастава — гэта першы крок да iдэальнай знешнасцi. Прамая спiна i распраўленыя плечы заўсёды дазволяць вам адчуваць сябе ўпэўнена i прымусяць навакольных глядзець на вас з павагай.

Працуючы седзячы, мы нахiляемся i знаходзiмся ў такiм становiшчы шмат гадзiн у дзень, часта без перапынку. Наша цела мiжволi прымае такое становiшча, i мы, самi таго не заўважаючы, горбiмся.

Для прыгожай паставы i прафiлактыкi сутуласцi ёсць просты комплекс практыкаванняў. Для гэтага трэба знайсцi ў офiсе сцяну, не застаўленую мэбляй (пады-дзе свабодная сцяна шафы памерам 2х2 м).

Практыкаванне першае.

Шчыльна прыхiнiцеся да сцяны ўсiм целам, прыцiснiце да сцяны спiну, плечы, рукi далонi, ногi. Хвiлiну пастойце ў такiм становiшчы i зрабiце 7 глыбокiх удыхаў-выдыхаў (удых цераз нос, выдых — цераз рот). Затым, не мяняючы становiшча цела, зафiксуйце яго. З такой выпрамленай спiнай-«сцяной» пахадзiце некалькi хвiлiн па пакоi.

Практыкаванне другое.

Зноў прыхiнiцеся да сцяны (ужо не так шчыльна) i, сагнуўшы нагу ў калене, зрабiце па 7 махаў кожнай нагой.

Практыкаванне трэцяе.

Няшчыльна прыхiнiцеся да сцяны i, сагнуўшы руку ў локцi, зрабiце па 7 махаў кожнай рукой. Гэтае практыкаванне лёгка выконваецца ў любым адзеннi, нават у аблiпку.

Практыкаванне чацвёртае.

Цяпер выконвайце адначасова мах правай рукой i левай нагой — 7 разоў. Затым — наадварот: мах левай рукой i правай нагой, таксама 7 разоў.

Практыкаванне пятае.

7 глыбокiх удыхаў-выдыхаў з нахiленнямi цела ўперад i матляннем рук унiзе.

Гэтыя практыкаваннi дапамогуць захаваць выдатную паставу, прыгажосць, маладосць, вядома, цудоўны настрой.

Правiлы офiснага фiтнэсу:

 нiякiх iнтэнсiўных практыкаванняў — толькi размiнка (у душ вы ж трапiце няхутка!);

 нiякiх рэзкiх практыкаванняў i махаў з вялiкай амплiтудай (вы ж у бiзнэс-адзеннi).

Нават такая абмежаваная размiнка прынясе нямала карысцi. Для большай зручнасцi ў гэтым выпадку не насiце адзенне ў аблiпку i занадта цесную бялiзну. Абутак падбiрайце са зручным абцасам i калодкай — для таго, каб забяспечваўся нармальны кровазварот i не дэфармавалася ступня.

Для ног добра i простая нагрузка — хадзьба. З’явiлася вольная хвiлiнка — устаньце з-за камп’ютара i пахадзiце па калiдоры, лепш — хуткiм крокам. Калi вам даводзiцца доўга сядзець на адным месцы — пастарайцеся перыядычна перамiнацца з нагi на нагу. Пазбаўцеся ад нядобрай звычкi сядзець закiнуўшы нагу на нагу. Пры гэтым не злоўжывайце кавай — кава расшырае сасуды.

Выкарыстоўвайце такiя прак-тыкаваннi:

 Седзячы, «пабегайце» нагамi па падлозе.

 Пару хвiлiн пастукайце пяткамi па падлозе. Сэнс гэтага практыкавання ў тым, што вы разганяеце кроў i лiмфу.

 Патрэнiруйце пальцы ног — паспрабуйце падняць з iх дапамогай з падлогi дробныя прадметы — ручку цi аловак — шкарпэткi цi калготкi ў гэтым не перашкода.

 Пакатайце падэшвай нагi па падлозе якi-небудзь цылiндрычны прадмет, напрыклад, тоўсты аловак.

 Зрабiце нагам невялiкi масаж — лёгкiмi пагладжваннямi, пачаўшы са ступнi, паднiмайцеся па iкрах да калена, затым — некалькi кругавых рухаў над каленам.

Iснуюць практыкаваннi для любых частак цела. Вось некалькi з iх:

 каб не зацякала шыя ад працяглага сядзення за камп’ютарам, устаньце i распраўце плечы, выцягнiце шыю, а затым нахiляйце яе ўправа i ўлева, выконвайце i кругавыя рухi;

 калi стамляюцца кiсцi рук ад доўгай работы на клавiятуры, трэба перыядычна iмi ўстрахваць. Для ўмацавання мышцаў рук можна паадцiскацца ад стала цi ад сцяны;

 для ўмацавання прэса неабходна сесцi бокам на крэсла да спiнкi i пападнiмаць каленi да ўзроўню грудзей. Спрошчаны варыянт — патрымаць выпрамленыя ногi, падняўшы iх пад вуглом 90 градусаў;

 для паляпшэння работы сэрца выкарыстоўвайце кожную вольную хвiлiнку, прайдзiцеся па кабiнеце, па калiдоры. I ўвогуле, не ўпускайце нiводнай магчымасцi прайсцiся лiшнi раз пешшу, не чакайце лiфта. Галоўнае, памятайце: усё трэба рабiць у спакойным рытме, нетаропка.

ФIТНЭС ДЛЯ МАЗГОЎ

Хто з нас не трапляў у такое становiшча: трэба працаваць, спраў па горла, часу на ўсё не хапае, вы яўна не паспяваеце ўсё зрабiць i ўжо сталi панiкаваць — як вам справiцца з такой сiтуацыяй?

Стрэсы нельга «накоплiваць» у сабе. Стрэсы робяць нас старымi раней часу, паскараюць развiццё цэлюлiту, утварэнне маршчынак, а самае галоўнае — яны знiжаюць iмунiтэт з усiмi выцякаючымi наступствамi. Стрэсы трэба ўмець знiмаць правiльна. Нельга знiмаць стрэс перакурамi, пiрожнымi, моцнай кавай. Пажадана прыняць некалькi заспакаяльных пiлюль з мятай, можна з’есцi крыху шакаладу, прычым не жаваць яго, а смактаць.

Эфектыўным метадам зняцця стрэсу ў любых вытворчых умовах з’яўляецца прыемная размiнка на працоўным месцы — вось што выратуе ад наступстваў стрэсу.

Першае — выпрамiце спiну, распраўце плечы i ўцягнiце жывот. Стрэс, як правiла, адразу пагаршае нашу паставу, прымушае «абмякнуць».

Заплюшчыце вочы. Перастаньце думаць аб непрыемнай размове з начальствам цi саслужыўцамi, аб нервовым тэлефонным званку. Падумайце аб тым, як вы зараз выглядаеце, успомнiце, што пасля стрэсу ўсё напiсана на вашым твары. Расслабце твар, знiмiце з яго напружанне. Пакладзiце рукi на лоб i крыху памасiруйце яго, лёгка папляскайце сябе па шчоках, скулах. Патрыце скронi. Паўсправы зроблена.

Далей зрабiце некалькi глыбокiх удыхаў i выдыхаў, паклаўшы рукi на каленi.

Калi лягчэй не становiцца, ёсць яшчэ адзiн народны сродак — паскачыце i памахайце рукамi i нагамi. Ну а калi зусiм нядобра, iснуе яшчэ адзiн сродак — удар рабром далонi па цвёрдай паверхнi. Згодна з легендай, гэта практыкаванне выкарыстоўвалi амазонкi — а ўжо яны ўмелi процiстаяць стрэсам i нiколi не гублялi сiл i баявога духу.

Цяпер, калi вы супакоiлiся, вяртайцеся да работы з новымi адчуваннямi, добрым настроем i разумнымi думкамi. Вы ў выдатнай рабочай форме!