Я ў дружыннiкi... пайду?

Источник материала:

Калi спынiў «спрынтара», пачаў разбiрацца, што да чаго. Раптам мужчына нагнуўся, каб паправiць шнурок на абутку i... iмгненна сiгануў у бок новабудоўлi. Ды толькi праз хвiлiну быў спынены Вiктарам Барысавiчам.

У ходзе расследавання органамi ўнутраных спраў было ўстаноўлена, што раней судзiмы А. Буйлянкоў украў у кватэры С. Святлiчнага некалькi рэчаў i ўцякаў ад гаспадара i яго суседа. За дапамогу праваахоўным органам Вiктар Запарованы быў узнагароджаны медалём «90 гадоў мiлiцыi Беларусi».

— Не буду прыводзiць лiчбы раскрыцця злачынстваў з удзелам дружыннiкаў за мiнулы год, — гаворыць начальнiк упраўлення прафiлактыкi УУС Гомельскага аблвыканкама Яўген Красноў, — але скажу, што сёлета за першы квартал на iх рахунку ўжо 19 раскрытых злачынстваў рознага характару. Мы iх запрашаем i ў рэйды па выяўленню самагоншчыкаў, парушальнiкаў правiлаў дарожнага руху i г.д. У вынiку за тры сёлетнiя месяцы да адмiнiстрацыйнай адказнасцi за хулiганства былi прыцягнуты 281, за п’янства — 252, за самагонаварэнне — 63, за парушэнне правiлаў дарожнага руху — 67 чалавек.

— Колькi ж у вобласцi гэтых грамадскiх фармiраванняў — добраахвотных дружын?

У Яўгена Аляксандравiча гэтыя лiчбы ў памяцi: 874, у тым лiку ў сельскай мясцовасцi 286. 10 337 грамадзян з’яўляюцца памочнiкамi мiлiцыi. Кожныя сут-кi на дзяжурства выходзiць 209 чалавек. А каардынацыю iх дзейнасцi ажыццяўляюць 26 штабаў на месцах плюс абласны штаб. Арганiзацыя работы людзей з чырвонымi павязкамi не абыходзiцца без органаў выканаўчай i распарадчай улады.

— Райвыканкамы вобласцi правялi сёлета ўжо 39 нарад на гэту тэму. У той жа час хачу заў-важыць, што для каардынацыi дзейнасцi такiх грамадскiх фармiраванняў, як добраахвотныя дружыны, на тэрыторыi кожнага сельсавета (падкрэслiваю: кожнага!) трэба стварыць грамадскiя пункты аховы парадку, — упэўнены Яўген Красноў. — Кажу гэта таму, што яны маюцца толькi пры 194 сельсаветах (а ўсяго iх 275 у вобласцi).

У гэтым плане больш пашанцавала гораду Гомелю. Напрыклад, у Чыгуначным раёне дзейнiчаюць 45 добраахвотных дружын, у склад якiх уваходзiць 872 чалавекi, у Савецкiм — 43 i 1279 адпаведна. I яшчэ: сярэднясутачны выхад дружыннiкаў на дзяжурства складаў тут адпаведна 32 i 26 чалавек. Гэта паказчыкi за студзень—сакавiк. А вось сярэднясутачны выхад членаў добраахвотных дружын у Брагiнскiм, Веткаўскiм i Нараўлянскiм раёнах — па два, у Лоеўскiм i Ельскiм — па тры, у Рэчыцкiм (пры наяўнасцi 97 дружын з 1274 чалавекамi) выходзiлi па сем, а ў Мазырскiм (107 дружын з 650 членамi) па шэсць добраахвотных памочнiкаў.

Асобна хацелася б сказаць пра меры матэрыяльнага i маральнага заахвочвання дружыннiкаў. У шэрагу раёнаў вобласцi робiцца аплата выхадаў на дзяжурства. Акрамя таго, калi людзi актыўна ўдзельнiчаюць у ахове грамадскага парадку, на рабоце iм прадастаўляецца тры каляндарныя днi да водпуску. Прычым забяспечваецца першачарговасць i яго (водпуску), i пуцёвак у санаторыi, а для дзяцей дружыннiкаў — у летнiя лагеры. Напрыклад, у саўгасе «Камунiст» Ельскага раёна, згодна з загадам кiраўнiка, за кожны выхад на дзяжурства дружыннiк атрымлiвае пяць тысяч рублёў, лепшым з iх даюцца тры каляндарныя днi да водпуску. Заахвочваюць дружыннiкаў таксама i органы мясцовага кiравання i самакiравання.

— Пра заахвочванне дружыннiкаў нашай структурай я ўжо i не кажу, робiм гэта пастаянна, — падкрэслiў Яўген Красноў.

Нягледзячы на тое, што сёлета за актыўную работу ў праваахоўнай дзейнасцi заахвочаны 74 дружыннiкi, маюцца i дастаткова сумныя факты. У Жыткавiцкiм раёне, напрыклад, з удзелам дружыннiкаў былi раскрыты два злачынствы. Нiводзiн дружыннiк заахвочаны не быў. Такi ж малюнак, у Буда-Кашалёўскiм i Гомельскiм раёнах.