Кола дзён мастака i паэтаЭкслiбрыс «Звязды» Такiм падзеям заўсёды радуешся — шчыра i непадробна. Радуешся таленавiтаму набытку даўняга i сумленнага сябра-калегi, яшчэ больш становiцца прыемна ад усведамлення таго, што ягоны поспех — сапраўдная з’ява не толькi ў журналiстыцы, але i ў культурным жыццi рэспублiкi ўвогуле. Размова — пра зборнiк фотаздымкаў i паэзii Яўгена Пясецкага «Кола дзён», якi лiтаральна толькi што выйшаў у свет.Як майстра фатаграфii яго, Яўгена Пясецкага, вось ужо тры дзесяцiгоддзi ведае (без перабольшання!) уся наша рэспублiка. Няма ў Беларусi нiводнага раённага цэнтра, нiводнага больш-менш буйнога населенага пункта, нават больш-менш значнага прадпрыемства цi гаспадаркi, дзе б не пабываў Яўген Вiктаравiч па звяздоўскай камандзiроўцы, не зафiксаваў сваiм пiльным, майстэрскiм «фотавокам» штодзённае жыццё, буднi i святы так горача любiмых iм гараджан i вяскоўцаў, сумленных, шчырых i праведных людзей. Практычна немагчыма ўявiць «Звязду» — старэйшую беларускую газету — без маляўнiчых, тонкiх i пранiкнёных фотапрац Яўгена Пясецкага. Яшчэ шмат гадоў назад мы, ягоныя блiжэйшыя сябры i паплечнiкi, ведалi i аб тым, што ёсць у Яўгена боскi дар i ў некалькi iншай сферы творчай дзейнасцi — паэзii. Ведалi, бо шматкроць чулi ягоныя трапныя, свежыя i вострыя выслоўi-параўнаннi, не-не ды i «аформленыя» ў паэтычную абалонку. Але толькi параўнальна нядаўна наш калега адважыўся вынесцi i гэты свой парыў душы на публiчны суд. Так у «Звяздзе» з’явiлася аўтарская рубрыка Яўгена Вiктаравiча «Фотаслова». З’яўленне новага, як кажуць у такiх выпадках даледчыкi журналiстыкi — сiнтэзаванага жанру, адразу ж запрыкмецiлi i чытачы газеты, i нашы калегi. Бажуся: я не чуў ад каго-небудзь з iх не толькi адмоўнай адзнакi, але нават i непрыязных адносiнаў да гэтых публiкацый. А ўсё таму, што гэта — i новы радок у журналiстыцы, i сапраўдная знаходка ў падачы аўтарскiх задумак. Такiм чынам, пад адной вокладкай i выйшла кнiга, у якой сабраны звыш 110 паэтычных твораў i прыкладна столькi ж — фотаработ Яўгена Пясецкага. ...«Няўдзячная» мiсiя выпала мне: сказаць слова пра сапраўдную паэзiю i сапраўдныя фоташэдэўры. Чаму няўдзячная? А перш за ўсё таму, што высокую паэзiю няпроста аналiзаваць, а пераказваць — зусiм нельга. Паэзiю, цвёрда перакананы я, трэба чытаць i спасцiгаць! Чытаць — уголас, а лепей — употай. Спасцiгаць — «аднаасобна»: сэрцам i душой! Калi спадзявацца на лепшае — Праб’ецца крынiчка ўсцешная, Памкне ручаiнка прыветная, Калi спадзявацца на светлае. Прад гэтай рачулкаю смелаю Абудзiцца пушча знямелая, Чужынская хмара адступiцца, I ўсё, што чаканае, збудзецца... Дванаццаць радкоў, што iдуць з патаемных куточкаў душы Пясецкага-паэта. Яны — крэда Яўгена — Чалавека i Творцы. I выказаць яго можна толькi адным сродкам — высокiм паэтычным радком. Каб калыскi сваёй не забыцца, Каб не счэзнуць сярод нягод, Прахалодай спрадвечнай крынiцы Наталi мяне, мой радавод. Маю памяць стагоддзем не вынiшчыць, Маю сцежку не звесцi ў прыгнёт — Ад маны i ад лёсу рабынiча Беражы мяне, мой радавод. У валошках, якiм не выцвiсцi, У вольных спевах вясновых чарод, У божай мiласцi, у людскай шчырасцi Будзе доўжыцца мой радавод. — перакананы паэт, i гэта — самая сумленная праўда, ягоная i наша штодзённая рэчаiснасць. Паэтычны роздум Яўгена Пясецкага, падмацаваны дакументальнай i мастацкай фатаграфiяй, — новая з’ява ў беларускай нацыянальнай журналiстыцы. Кнiга «Кола дзён», паўтаруся, стваралася на працягу многiх гадоў. I як вынiк, на кожнай старонцы яе — унутраныя патаемныя матывы, самыя тонкiя стрункi чалавечай iснасцi, нашага быцця. «Слова пераўтвараецца ў выяву... Выява пераўтвараецца ў слова...», — напiсаў Яўген Пясецкi ў невялiчкай прадмове да свайго зборнiка. Так-то яно так, аднак калi гэтыя элементы — слова i выява — сiнтэзуюцца ў адно цэлае, ды яшчэ — таленавiтымi сэрцам, душой i рукамi, нараджаецца насамрэч блiскучы i непаўторны Твор! Слова i выява ж не толькi пераўвасабляюцца, але i так тонка, удала дапаўняюць адно другое. Сапраўднае, непараўнальнае i нястомнае КОЛА ДЗЁН! Анатоль МЯСНIКОЎ, кандыдат гiстарычных навук, лаўрэат Дзяржаўнай прэмii Рэспублiкi Беларусь.
Чтобы разместить новость на сайте или в блоге скопируйте код:
На вашем ресурсе это будет выглядеть так
Такiм падзеям заўсёды радуешся — шчыра i непадробна. Радуешся таленавiтаму набытку даўняга i сумленнага сябра-калегi, яшчэ больш становiцца прыемна ад |
|