Закупачныя цэны павялiчаны на 20 працэнтаў

Источник материала:

Так, кошт адной тоны азiмай i яравой пшанiцы другога класа складзе Br340 тыс., трэцяга — Br320 тыс., чацвёртага — Br280 тыс., а фуражнае збожжа будзе аплачвацца па Br210 тыс. за тону. Больш за ўсё павялiчаны цэны на харчовае збожжа i менш — на фуражнае, каб гэтыя змяненнi не адбiлiся негатыўна на сабекошце вытворчасцi мяса.

Кошт адной тоны жыта, што пастаўляецца для перапрацоўкi ў муку, першага—трэцяга класа групы А складзе Br190 тыс., для кармавых мэтаў — Br154 тыс. У залежнасцi ад класа тона харчовага аўса будзе каштаваць ад Br160 тыс. да Br210 тыс., фуражнага — Br130 тыс.

Павышана матэрыяльная зацiкаўленасць гаспадарак, занятых вырошчваннем грэчкi. На яе ўстаноўлена самая высокая ў параўнаннi з iншымi збожжавымi закупачная цана — Br570-480 тыс. за тону.

Закупачныя цэны на трыцiкале, што пастаўляецца для перапрацоўкi ў муку, устаноўлены на ўзроўнi Br210 тыс., для кармавых мэтаў i перапрацоўкi ў камбiкармы — Br180 тыс.

Цэны на пiваварны ячмень у параўнаннi з мiнулым годам павялiчылiся ў сярэднiм на 6,9 працэнта. Так, па 15 жнiўня кошт тоны пiваварнага ячменю вышэйшага класа складзе Br360 тыс., першага класа — Br290 тыс., другога — Br262 тыс. З 16 жнiўня кошт тоны пiваварнага ячменю вышэйшага класа складзе Br350 тыс., першага — Br280 тыс., другога — Br252 тыс.

Харчовы ячмень будзе закупляцца па Br230 тыс. за тону, для вырабу соладу ў спiртавой вытворчасцi — па Br200 тыс., для кармавых мэтаў i вырабу камбiкармоў — па Br185 тыс.

Алейнае семя рапсу для харчовых мэт будзе прымацца па Br430 тыс. за тону, для тэхнiчных мэтаў — па Br380 тыс.

Закупачная цана на цукровыя буракi для прамысловай перапрацоўкi павялiчана да Br80 тыс. за тону.

Пастановай Савета Мiнiстраў вызначаны таксама закупачныя цэны на насенне збожжавых культур.