Прэзiдэнт Беларусi прыняў кадравыя рашэннi

Источник материала:

Савельева Мiхаiла Генадзьевiча — намеснiкам мiнiстра сельскай гаспадаркi i харчавання;

Пiрштука Баляслава Казiмiравiча — намеснiкам старшынi Гомельскага аблвыканкама;

Нiкалайкiна Вiктара Паўлавiча — кiраўнiком адмiнiстрацыi Кастрычнiцкага раёна г. Вiцебска;

Пiнчука Алега Леанiдавiча — старшынёй Докшыцкага райвыканкама;

Кавалёнка Алега Анатольевiча — старшынёй Ушацкага райвыканкама;

Бiчана Аляксандра Васiльевiча — старшынёй Хойнiцкага райвыканкама;

Шостака Пятра Мiкалаевiча — старшынёй Светлагорскага райвыканкама;

Барысенкi Аляксандра Мiхайлавiча — кiраўнiком адмiнiстрацыi Ленiнскага раёна г. Мiнска;

Бабiчава Аляксандра Мiкалаевiча — генеральным дырэктарам рэспублiканскага ўнiтарнага прадпрыемства «Клiмавiцкi лiкёра-гарэлачны завод»;

Гаўрыленкi Вiктара Васiльевiча — генеральным дырэктарам рэспублiканскага ўнiтарнага вытворча-гандлёвага прадпрыемства «Аршанскi льнокамбiнат»;

Лызiкава Анатоля Мiкалаевiча — рэктарам установы адукацыi «Гомельскi дзяржаўны медыцынскi ўнiверсiтэт»;

Сцепука Анатоля Якаўлевiча — старшынёй цэнтральнага савета рэспублiканскага дзяржаўна-грамадскага аб’яднання «Добраахвотнае таварыства садзейнiчання армii, авiяцыi i флоту Рэспублiкi Беларусь» (ДТСААФ);

Аляксейчыка Мiхаiла Васiльевiча — генеральным консулам Рэспублiкi Беларусь у г. Беластоку (Рэспублiка Польшча);

Пракапенкi Iгара Мiкалаевiча — членам Вiцебскага аблвыканкама.

Звяртаючыся да новых кiраўнiкоў мясцовых выканаўчых органаў, Прэзiдэнт падкрэслiў, што ад iх патрабуюцца ўважлiвыя i тактоўныя адносiны да людзей, дзейсныя крокi па развiццю вытворчай сферы i стварэнню новых рабочых месцаў у вёсцы, беражлiвы i рацыянальны падыход да сельскагаспадарчых угоддзяў, высокая культура земляробства i навядзенне парадку на зямлi, процiдзеянне карупцыi.

«Нiякай высакамернасцi, фанабэрыi, як гэта iншым разам бывае ў асобных кiраўнiкоў. Спуску тут не будзе нiкому», — перасцярог кiраўнiк дзяржавы.

Прэзiдэнт запатрабаваў прыкласцi максiмум намаганняў для выканання задач, прадугледжаных праграмай адраджэння беларускай вёскi. «Укараняйце перадавыя тэхналогii, эканомце кожную капейку, разлiчвайце толькi на сябе. Праз год-два мы поўнасцю адыдзем ад датацый у сельскай гаспадарцы. Грошы будуць выдзяляцца толькi пад канкрэтныя праекты i планы, а не на абстрактныя паказчыкi тыпу «кiлаграм мяса» або «лiтр малака», — падкрэслiў Аляксандр Лукашэнка.

Кiраўнiк дзяржавы ў ходзе прыняцця кадравых рашэнняў адзначыў, што ва ўмовах, калi ў рэалiзацыю праграмы адраджэння i развiцця вёскi ўкладваюцца мiльярды долараў, як нiколi важна падбiраць на кiруючыя пасады дасведчаных кiраўнiкоў, якiя ўмеюць весцi эфектыўную гаспадарку.

Гаворачы аб кадравай палiтыцы, Аляксандр Лукашэнка заявiў, што ў краiне «нi ў якiм выпадку не будзе практыкi механiчнага перасаджвання чыноўнiкаў з аднаго крэсла ў другое». «Папярэджваю: нiякiх назначэнняў на «адседжванне», як гэта было ў часы Савецкага Саюза, не будзе. Мы павiнны прыцягваць новыя, маладыя кадры», — сказаў кiраўнiк дзяржавы.

Прэзiдэнт таксама звярнуў асаблiвую ўвагу на выкананне яго даручэнняў па развiццю льнаводчай галiны рэспублiкi. У блiжэйшы час ён мае намер асабiста пракантраляваць, як тут iдуць справы.

Прэс-служба Прэзiдэнта Рэспублiкi Беларусь.