Для заахвочвання пераможцаў спаборнiцтва па ўборцы збожжа i нарыхтоўцы кармоў выдзяляецца Br8 млр

Источник материала:

Ва ўрадзе

Як паведамiлi карэспандэнту БЕЛТА ў Мiнiстэрстве сельскай гаспадаркi i харчавання, рэспублiканскае спаборнiцтва за дасягненне высокiх паказчыкаў на ўборцы ўраджаю збожжавых, нарыхтоўцы кармоў i вырошчваннi лёну праводзiцца штогод. У яго рамках арганiзаваны рэспублiканскi агляд-конкурс павышэння культуры земляробства. Вынiкi спаборнiцтва i агляду-конкурсу падводзяцца на фестывалi-кiрмашы «Дажынкi». Тут жа пераможцы атрымлiваюць свае ганаровыя дыпломы i каштоўныя падарункi.

У Мiнсельгасхарчы растлумачылi, што затраты на правядзенне спаборнiцтва праводзяцца за кошт сродкаў рэспублiканскага фонду падтрымкi сельгасвытворцаў. Сёлета на гэтыя мэты прадугледжана выдзелiць Br8 млрд.

Для пераможцы сярод абласцей заснаваны 1 ганаровы дыплом з грашовай прэмiяй у суме Br50 млн. Сярод раёнаў — 6 ганаровых дыпломаў з грашовымi прэмiямi па Br30 млн кожная. Калi па вынiках спаборнiцтва пераможцамi выходзяць два раёны, адзiн з якiх за апошнiя пяць гадоў, уключаючы 2007 год, станавiўся пераможцам такога спаборнiцтва, то i гэты раён узнагароджваецца ганаровым дыпломам i грашовай прэмiяй, якiя засноўваюцца для гэтага дадаткова.

Для ўзнагароджання пераможцаў сярод сельгаспрадпрыемстваў заснавана 18 ганаровых дыпломаў з грашовымi прэмiямi. Так, прэмiя за першае месца складзе Br20 млн, за другое — Br15 млн, за трэцяе — Br10 млн. Калi па вынiках спаборнiцтва на першае месца выйдуць дзве арганiзацыi, адна з якiх за апошнiя 5 гадоў, уключаючы 2007 год, станавiлася пераможцам такога спаборнiцтва, то i гэта арганiзацыя будзе ўзнагароджана ганаровым дыпломам i грашовай прэмiяй у суме Br20 млн, якiя засноўваюцца для гэтага дадаткова.

Пераможцаў спаборнiцтва сярод галоўных аграномаў у аглядзе-конкурсе павышэння культуры земляробства чакаюць 12 ганаровых дыпломаў з прэмiямi ў суме Br5 млн кожная. У такiм жа памеры будзе заахвочана праца лепшых галоўных iнжынераў сельскагаспадарчых арганiзацый.

Асаблiвую цiкавасць заўсёды выклiкае спаборнiцтва механiзатараў. Для старшых камбайнераў механiзаваных збожжаўборачных атрадаў, створаных пры арганiзацыях, якiя абслугоўваюць сельскую гаспадарку, заснавана 6 ганаровых дыпломаў i каштоўныя прызы (аўтамабiль — за першае месца, халадзiльнiк — за другое, маразiльнiк — за трэцяе). Пераможца сярод механiзатараў, якi займаў раней першае месца ў такiм спаборнiцтве, будзе ўзнагароджаны ганаровым дыпломам, камп’ютарам i грашовай прэмiяй Br9 млн.

Лепшых памочнiкаў камбайнераў мехатрадаў, створаных пры арганiзацыях, якiя абслугоўваюць сельскую гаспадарку, чакаюць 6 ганаровых дыпломаў i каштоўныя падарункi (камп’ютар — за першае месца, газавая плiта — за другое, тэлевiзар — за трэцяе).

Пераможцы спаборнiцтва сярод старшых камбайнераў сельгасарганiзацый, акрамя ганаровых дыпломаў, за першае месца атрымаюць легкавы аўтамабiль, за другое — халадзiльнiк, за трэцяе — маразiльнiк.

Прадугледжаны таксама заахвочваннi для камбайнераў сельгасарганiзацый, якiя працуюць у якасцi памочнiкаў, а таксама для старшых камбайнераў маладзёжных экiпажаў сельгасарганiзацый i вадзiцеляў, якiя перавозяць збожжа. Акрамя таго, распрацаваны ўмовы спаборнiцтва на нарыхтоўцы кармоў. Пераможца сярод абласцей атрымае ганаровы дыплом i прэмiю ў памеры Br50 млн, сярод раёнаў — заснавана 6 ганаровых дыпломаў з грашовымi прэмiямi па Br30 млн кожная, сярод сельгасарганiзацый — 18 дыпломаў з грашовымi прэмiямi ў залежнасцi ад занятага месца (за першае — Br20 млн, за другое — Br15 млн, за трэцяе — Br10 млн). Прадугледжаны ўзнагароды для старшых камбайнераў кормаўборачных атрадаў i iх памочнiкаў, а таксама вадзiцеляў, занятых на перавозцы кармоў.