Кiпрская кампанiя «СБ-Тэлекам» зацiкаўлена ў iнвеставаннi ў беларускiя цэментныя заводы

Источник материала:

Кiраўнiк дзяржавы падзякаваў iнвестару за дабрачынную дзейнасць кампанii ў Беларусi. «Для Беларусi цяжка знайсцi чалавека, якi займаўся б дабрачыннасцю ў краiне ў такiм аб’ёме», — сказаў Аляксандр Лукашэнка. Ён адзначыў, што гэтыя сродкi былi накiраваныя, у асноўным, на медыцынскiя мэты, развiццё аховы здароўя i рэканструкцыю бальнiц.

Пры гэтым Прэзiдэнт падкрэслiў: «У нас няма нiякай прадузятасцi адносна вашай дзейнасцi. Наадварот, я вам давяраю i гатовы разгледзець прапановы па развiццю вашага бiзнэсу ў Беларусi».

У той жа час Iд Самавi запэўнiў Аляксандра Лукашэнку, што дзейнасць кампанii «СБ-Тэлекам» у Беларусi будзе ажыццяўляцца адкрыта i празрыста.

Кiпрская кампанiя «СБ-Тэлекам» мае намер удзельнiчаць у будаўнiцтве першакласнай гасцiнiцы ў Мiнску. Акрамя гэтага, гэта кампанiя зацiкаўлена ў iнвеставаннi сродкаў у рэканструкцыю i пераўзбраенне беларускiх цэментных заводаў. У ходзе сустрэчы абмяркоўвалiся i iншыя сумесныя iнвестыцыйныя праекты.

Прэс-служба Прэзiдэнта Рэспублiкi Беларусь.