Зрабiць тое, чаго не можаш

Источник материала:

Iнфарм-укол

Перш-наперш запомнiце, што вам неабходна 15 хвiлiн спакою штодня. Можна проста пасядзець, паслухаць шум дажджу, любiмую музыку або павязаць. Прыгадайце ў гэты час месца, дзе вам некалi было добра i спакойна, пачуццi, якiя перажылi ў той момант. Калi вам упарта не хочацца знайсцi для сябе памянёныя хвiлiны спакою, паспрабуйце прааналiзаваць, чаму так адбываецца: «што я адчуваю?», «што прычыняе мне боль?», «чаму я вяртаюся ў думках да сумных момантаў майго жыцця?».

Калi адшукаеце час для спакою, паспрабуйце паразважаць над тым, чаго вы баiцеся на шляху ўвасаблення сваёй запаветнай мары. Не бойцеся баяцца i паўтарайце сабе тое, што сказала аднойчы Элеанора Рузвельт: «Ты павiнен рабiць тое, чаго не можаш».

Не забывайце ўзнагароджваць сябе на гэтым нялёгкiм шляху. Паступова паспрабуйце акунуцца ў разнастайныя задавальненнi. Ужывайце ў ежу тое, што вам падабаецца. Навядзiце вакол сябе чысцiню, парадак i прыгажосць. Не забывайце чым-небудзь любавацца, напрыклад, лесам, дзецьмi, карцiнай. Падарыце целу паўнацэнны сон, а таксама сёе-тое з таго, што ваша цела любiць «прымаць» рэгулярна — саўну, масаж, аэробiку, зручную пiжаму i г.д. Не забывайце ў думках аддзячыць сябе i ўсiх, хто побач з вамi. Няхай на кожны дзень прыпадае каля трох невялiчкiх святаў, а калi можаце, рабiце больш.