«Белая Русь» — у Магiлёўскiм раёне

Источник материала:

Як вядома, гэта аб’яднанне з’явiлася ў Гродзенскай вобласцi ў 2004 годзе i мае на мэце падтрымку курса, якi праводзiць кiраўнiцтва дзяржавы. Сёння членамi «Белай Русi» з’яўляецца больш за 12 тысяч чалавек i працуе 800 пярвiчак. Iнiцыятыву гродзенцаў вырашылi падтрымаць у Магiлёўскiм сельскiм раёне. Некалькi дзесяткаў чалавек сабралiся ў зале Буйнiцкай дзiцячай школы мастацтваў: у iх лiку жыхары ўсiх сельсаветаў раёна, прадстаўнiкi iнтэлiгенцыi i сялянства, маладыя людзi, ветэраны вайны i працы ды iншыя.

— Я прачытаў у газеце заклiк гродзенскай «Белай Русi» i зацiкавiўся, — расказаў дырэктар школы мастацтваў Пётр Алтынаў, якога ўстаноўчы сход абраў старшынёй раённай арганiзацыi «Белай Русi». — Мне спадабалася праграма i мэты грамадскага аб’яднання. I мы вырашылi стварыць такое i ў нас. Я мяркую, што падобныя арганiзацыi будуць створаныя па ўсёй краiне, таму што «Белая Русь» ставiць перад сабой высакародныя мэты: аб’яднанне прагрэсiўных сiл краiны i аказанне дапамогi моладзi, ветэранам, працоўным калектывам i гэтак далей. Вельмi важнае — наша падтрымка кiраўнiка краiны.

Выкладчыца Буйнiцкага агралесатэхнiчнага каледжа i дэпутат абласнога Савета Святлана Арлоўская лiчыць, што людзi нездарма падтрымлiваюць сённяшнi курс дзяржавы: яны бачаць, адчуваюць вынiкi — эканамiчны рост, стабiльная палiтычная сiтуацыя, моцная сацыяльная абарона насельнiцтва. На думку дэпутата, i на прыкладзе Буйнiчаў можна прасачыць выкананне праграмы адраджэння вёскi: тут шмат пабудавана i прыводзiцца ў парадак.

— Арганiзацыя Магiлёўскага раёна — гэта, так бы мовiць, «першая ластаўка» ў нашай вобласцi, — сказала на сходзе Святлана Арлоўская. — Мы спадзяёмся, што нас многiя падтрымаюць i далучацца да нас, таму што, я лiчу, мы робiм добрую справу.

Ва ўстаноўчым сходзе бралi ўдзел прадстаўнiкi розных пакаленняў.

— У нас шмат грамадскiх арганiзацый, але я мяркую, што калi мы будзем у адным аб’яднаннi, то нам будзе лягчэй разам пайсцi ў будучыню, — сказала другi сакратар раённай арганiзацыi БРСМ i дэпутат раённага Савета Алеся Купцова.

— Я хачу, каб гэта арганiзацыя была створана, — паведамiў ветэран вайны з вёскi Сiдаравiчы Iван Гуркоў. — Ветэраны iдэю падтрымлiваюць i будуць разам з iншымi працаваць i знаёмiць насельнiцтва з праграмай i мэтамi «Белай Русi».

Устаноўчы сход у Магiлёўскiм раёне выступiў з прапановай аб стварэннi Магiлёўскай абласной арганiзацыi грамадскага аб’яднання «Белай Русi».

Ул. iнф.