Спякота б’е рэкорды. Цi надоўга?

Источник материала:

Метэазводка

Гэта звязана з тым, што на нашу тэрыторыю з заходняй Еўропы змясцiўся антыцыклон, якi сфармiраваўся ў вельмi цёплай паветранай масе. Ён i прынёс нам спякоту. Потым ён пачаў змяшчацца на Маскоўскую вобласць, дзе зараз i знаходзiцца. А наша атмасферная прастора ссоўваецца да поля панiжанага цiску з цэнтрам над Заходняй Еўропай, i да нас iдзе вельмi цёплае, але вiльготнае паветра, якое стварае тэндэнцыю да ўтварэння кучадажджавой воблачнасцi. Гэта i прыносiць да нас пасляабедзенныя лiўнi i навальнiцы. Тэмпература паветра перавышае 30—31 градус.

З пачатку чэрвеня надвор’е ў краiне крыху зменiцца. Да нас завiтае антыцыклон, якi ўтварыўся ў больш прахалоднай паветранай масе над раёнам Скандынавii. I ён пацiху будзе спускацца ўнiз. Тэмпература ў дзённыя гадзiны складзе 20—25 . Гэта блiзка да клiматычнай нормы, якая роўная для чэрвеня 15—17 градусаў.

У далейшым па меры перамяшчэння гэтага антыцыклона паветра будзе награвацца i тэмпература яго ў другой пяцiдзёнцы чэрвеня зноў павысiцца. Да нас пойдзе цёплае паветра з Мiжземнамор’я, зноў утворыцца кучадажджавая воблачнасць. Без дажджоў не абыдзецца, але яны будуць насiць кароткачасовы характар i пройдуць у асноўным у дзённы i вячэрнi час.

Паводле папярэдняга прагнозу, у другой палове чэрвеня на змену антыцыклону будуць прыходзiць цыклоны са сваiмi атмасфернымi франтамi, таму вельмi спякотнага надвор’я не будзе.Тэмпература паветра складзе 20—25 , а ў паўднёвых раёнах — да 30 цяпла. Чакаюцца дажджы, але непрацяглыя.

ЧАМУ Ў ВЫХАДНЫЯ ДНI ЧАСЦЕЙ ЗА ЎСЁ ПСУЕЦЦА НАДВОР’Е?

Нямецкiя метэаролагi на гэты конт правялi даследаваннi. Яны вывучылi 6 мiльёнаў метэазводак па ўсёй Еўропе, уключаючы нашу рэспублiку, i прыйшлi да высновы, што самая халодная тэмпература паветра i воблачнае надвор’е бывае па суботах. Радзей за ўсё дажджы iдуць у панядзелак. А самым сонечным днём з’яўляецца аўторак. Даследчыкi мяркуюць, што ў гэтым вiнаваты сам чалавек. На працягу ўсяго рабочага тыдня людзi актыўна выкарыстоўваюць аўтатранспарт, выхлапныя газы якога быццам утвараюць дробны пыл, якi закрывае сонца i паскарае ўтварэнне воблакаў. Таму ў выхадныя днi надвор’е псуецца. Гэта толькi адзiн з варыянтаў, што можа паўплываць на атмасферныя працэсы.