Школьнiкаў за дапамогу мiлiцыi ўзнагародзiлi мабiльнымi тэлефонамi
Дзiяна КУРЫЛА, БЕЛТА
Двое вiцебскiх школьнiкаў за раскрыццё крадзяжу атрымалi ва ўзнагароду па мабiльнаму тэлефону, паведамiў начальнiк УУС Вiцебскага аблвыканкама Леанiд Фармагей.
Дэтэктыўная гiсторыя адбылася ў адным з двароў Вiцебска. Увагу 10-гадовага Сашы Мякiшава i яго цёзкi 13-гадовага Сашы Белавусава прыцягнулi двое мужчын, якiя абшуквалi кiшэнi свайго добра падвыпiўшага сабутэльнiка. Яны запомнiлi прыкметы злачынцаў, прасачылi, куды адзiн з iх накiраваўся, i паведамiлi ў iнспекцыю па справах непаўналетнiх. На працягу гадзiны дзякуючы хлопчыкам злачынцы былi затрыманы. У пацярпелага быў скрадзены мабiльны тэлефон i грошы. Як адзначыў Леанiд Фармагей, учынак дзяцей — гэта сведчанне iх высокай прававой свядомасцi, даверу да мiлiцыi i добрай работы iнспектара па справах непаўналетнiх гэтага мiкрараёна. За работу па выхаванню даверу да праваахоўных органаў у сваiх падапечных iнспектару будзе аб’яўлена падзяка. Пакуль пiсьмо з падзякай мiнiстра ўнутраных спраў Беларусi накiравана бацькам хлопчыкаў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Двое вiцебскiх школьнiкаў за раскрыццё крадзяжу атрымалi ва ўзнагароду па мабiльнаму тэлефону, паведамiў начальнiк УУС Вiцебскага аблвыканкама Леанiд
|
|