ШЛЯХ «З ВАРАГ У ГРЭКI»

Источник материала:

Дарэчы, iдэю арганiзацыi падтрымалi Мiнскi i Гродзенскi выканаўчыя камiтэты, Мiнiстэрства спорту i турызму.

— Экспедыцыя Канстанцiна Тышкевiча даследавала берагi Вiлii з мэтай сабраць этнаграфiчны i фальклорны матэрыялы. У нас узнiкла думка яшчэ раз прайсцi па тых мясцiнах, якiя адкрываў для сваiх нашчадкаў граф Тышкевiч, i высветлiць, што змянiлася за даволi працяглы час, як зараз выглядаюць берагi ракi i населеныя пункты ўздоўж iх, — расказаў карэспандэнту адзiн з арганiзатараў падарожжа Яўген Iгнатовiч, старшыня Вiлейскага раённага Савета дэпутатаў. — Мерапрыемства мае i вялiкае гiсторыка-даследчае значэнне, па яго вынiках будзе выдадзена кнiга, са зробленымi ў час падарожжа фотаздымкамі i сабранымi матэрыяламi.

ДАВЕДКА: Канстанцiн Тышкевiч нарадзiўся ў 1806 годзе ў сям’i графа Пiя Тышкевiча, Ганаровага члена Вiленскай археалагiчнай камiсii, этнографа i археолага, калекцыянера, збiральнiка кнiг, аматара музыкi. У 1836 годзе, пасля заканчэння Вiленскага ўнiверсiтэта i працы ў Мiнiстэрстве фiнансаў, Канстанцiн пераехаў на Лагойшчыну. На сваёй малой радзiме ён праводзiў археалагiчныя раскопкi на месцах, успамiны пра якiя сустракаюцца ў народных паданнях i казках. У 1857 годзе за ўласныя сродкi Тышкевiч арганiзаваў экспедыцыю па Вiлii, па аднаму са шляхоў «з вараг у грэкi». На падставе назапашанага за чатыры месяцы матэрыялу створана кнiга «Вiлiя i яе берагi». Дагэтуль жа сучаснiкам былi вядомыя толькi апiсаннi рэк Дуная, Рэйна i Тэмзы.