Главная
Гороскопы
ЖОНКУ Ў РУКI I — НА РЭКОРД
Iрына АНАТАВА.
Якiя толькi вiды спорту не прыдумала чалавецтва! На званне самага арыгiнальнага чэмпiянату прэтэндуюць спаборнiцтвы па... пераносу жонак, якiя прыдумалi фiны. Паводле падання, гiсторыя новага вiду спорту пачынаецца з ХIХ стагоддзя, калi ў раёне фiнскай вёскi Санкаярвi дзейнiчала банда рабаўнiкоў: у яе, быццам, прымалi толькi тых мужчын, хто мог доўга несцi любую здабычу, у тым лiку жанчын, якiх у той час часта кралi з чужых вёсак.
Упершыню спаборнiцтвы па перацягванню жонак адбылiся ў 1992 годзе, а ў 1996-м яны набылi статус мiжнароднага турнiру. Правiлы ўдзелу простыя: патрэбна пераадолець дыстанцыю (каля 250 метраў) з некалькiмi бар’ерамi i воднай перашкодай як мага хутчэй, i пры гэтым несучы сваю жонку цi проста спадарожнiцу жыцця. Дама не павiнна быць маладзей за 17 гадоў i важыць менш за 49 кiлаграмаў: калi ўдзельнiца занадта худая, яе звычайна нагружаюць рукзаком. На сёлетнiм, 12-м па лiку, чэмпiянаце свету сярод 44 пар з 12 краiн перамаглi эстонцы, якiя ўдзельнiчалi ў першынстве ў пяты раз. Вынiк спадара Мадзiса Уусорга i яго жонкi Iнгi склаў 61,7 секунды, але яны так i не змаглi паўтарыць сусветны рэкорд. Ён быў устаноўлены ў 2001 годзе (56,5 секунды) i належаў роднаму брату сёлетняга пераможцы. Дарэчы, стыль эстонскiх спартсменаў мае свае адметныя рысы: жанчына звычайна вiсiць унiз галавой, зачапiўшыся нагамi за шыю мужчыны (iншыя партнёршы звычайна сядзяць на спiне сваiх мужоў). У падарунак Уусорг атрымаў плазменны тэлевiзар i 49-кiлаграмовую бочку пiва (столькi ж важыць яго жонка).
Чтобы разместить новость на сайте или в блоге скопируйте код:
На вашем ресурсе это будет выглядеть так
Якiя толькi вiды спорту не прыдумала чалавецтва! На званне самага арыгiнальнага чэмпiянату прэтэндуюць спаборнiцтвы па... пераносу жонак, якiя прыдума |
|