Курс беларускага рубля ў першым паўгоддзi быў стабiльны

Источник материала:

У першым паўгоддзi выкананы ўсе асноўныя паказчыкi, закладзеныя ў Асноўных напрамках грашова-крэдытнай палiтыкi на гэты год. Курс беларускага рубля заставаўся стабiльным, яго дэвальвацыя да долара ЗША склала ўсяго 0,2 працэнта, да расiйскага рубля — 2,43 працэнта, што знаходзiцца ў межах прагнозных паказчыкаў. Паводле слоў Пятра Пракаповiча, устойлiвасць курсу беларускага рубля заснавана на эфектыўнай рабоце эканомiкi. Валютная выручка за 6 месяцаў 2007 года ў параўнаннi з адпаведным перыядам мiнулага года вырасла на 19,8 працэнта. Золатавалютныя рэзервы павялiчылiся на $1,189 млрд i дасягнулi $2,942 млрд. Такiм чынам, золатавалютныя рэзервы Беларусi ўшчыльную наблiзiлiся да адзнакi $3 млрд. Як адзначыў старшыня праўлення Нацбанка, гэта сведчыць аб стабiльнасцi курсу нацыянальнай валюты.

Прагнозныя паказчыкi па росту iндэкса спажывецкiх цэн таксама выконваюцца: за першае паўгоддзе ён склаў 103,6 працэнта. У цэлым за год, паводле слоў Пятра Пракаповiча, iнфляцыя будзе не больш як 8 працэнтаў. Прэзiдэнту таксама было даложана аб рабоце плацежнай сiстэмы краiны, працэнтнай i крэдытнай палiтыцы.

Адзначаны значны рост крэдытных рэсурсаў: аб’ём крэдытаў рэальнаму сектару эканомiкi ў параўнаннi з адпаведным перыядам мiнулага года павялiчыўся амаль у 1,6 раза. Плацежная сiстэма рэспублiкi працуе ўстойлiва. Нацбанк па-ранейшаму забяспечвае прывабнасць укладанняў у беларускiх рублях: з лiпеня пачалося паступовае знiжэнне стаўкi рэфiнансавання, якая ў пачатку года складала 11 працэнтаў. У цэлым, як падкрэслiў Пётр Пракаповiч, вынiкi работы банкаўскай сiстэмы за першае паўгоддзе станоўчыя.

Кiраўнiку дзяржавы даложана аб завяршэннi работы над першым варыянтам праекта Асноўных напрамкаў грашова-крэдытнай палiтыкi на 2008 год, у якiм улiчаны станоўчы вопыт i дасягненнi рэспублiкi ў мiнулыя гады. Пасля разгляду ўрадам гэты дакумент будзе прадстаўлены Прэзiдэнту.