Урад Беларусi ўвёў новыя стымулы для кiраўнiкоў за эканомiю i беражлiвасць

Источник материала:

Каментуючы па просьбе карэспандэнта БЕЛТА гэты дакумент, начальнiк аддзела развiцця сiстэм аплаты працы Мiнiстэрства працы i сацыяльнай абароны Юрый Фёдараў адзначыў, што пастанова падрыхтавана ў мэтах выканання дырэктывы № 3 у частцы ўстанаўлення залежнасцi аплаты працы кiраўнiкоў дзяржаўных органаў, iншых дзяржарганiзацый, падпарадкаваных ураду, а таксама камерцыйных арганiзацый ад выканання паказчыкаў эканомii рэсурсаў i павелiчэння выкарыстання мясцовых вiдаў палiва.

Так, пералiк агульных паказчыкаў эфектыўнасцi работы дапоўнены двума важнымi паказчыкамi. Першы — выкананне ўстаноўленых мэтавых паказчыкаў па энергазберажэнню, павелiчэнню аб’ёмаў выкарыстання мясцовых вiдаў палiва, нетрадыцыйных i другасных энергарэсурсаў i знiжэнне энергаёмiстасцi прадукцыi. Другi — арганiзацыя работы па забеспячэнню падпарадкаванымi арганiзацыямi аплаты ў поўным аб’ёме бягучага спажывання прыроднага газу, электрычнай i цеплавой энергii, цвёрдых вiдаў палiва.

У мэтах далейшага ўдасканалення ўмоў аплаты працы, а таксама з улiкам дапаўнення паказчыкаў прэмiравання паказчыкамi энергазберажэння i эканомii пастановай № 878 устанаўлiваецца магчымасць павышэння кiраўнiкам максiмальнага памеру прэмii па вынiках фiнансава-гаспадарчай дзейнасцi арганiзацый з 30 працэнтаў да 60 працэнтаў iх службовых акладаў.

Паводле абгрунтаванага прадстаўлення органа, упаўнаважанага кiраваць дзяржаўнай маёмасцю, кiраўнiкам арганiзацый, якiя маюць прыярытэтнае значэнне ў развiццi галiны эканомiкi, пры правядзеннi iмi мерапрыемстваў па фiнансаваму аздараўленню i вываду арганiзацыi з крызiснага становiшча або праводзяць мерапрыемствы па рэканструкцыi i асваенню новых вытворчасцяў, па ўзгадненню з прэм’ер-мiнiстрам або вiцэ-прэм’ерам на перыяд не больш за два гады могуць быць устаноўлены службовыя аклады ў памеры да 4,5 уключна сярэднямесячнай заработнай платы, што склалася па адпаведнай галiне (падгалiне) эканомiкi або вiду эканамiчнай дзейнасцi.