Новая рэдакцыя Правiлаў беларускай арфаграфii будзе прымацца ў форме закона

Источник материала:

«Мы будуем моцную рэспублiку, незалежную дзяржаву. А важнейшай прыметай дзяржаўнасцi з’яўляецца мова. I нам выпалi гонар i абавязак навесцi парадак, абаранiць нарэшце беларускую мову ад свавольства ў напiсаннi слоў i сказаў. Тым больш у юбiлейны год нараджэння беларускiх песняроў Янкi Купалы i Якуба Коласа», — адзначыў таксама падчас пасяджэння парламенцкай камiсii Уладзiмiр Здановiч, гаворачы пра неабходнасць прыняцця новай рэдакцыi Правiлаў.

З тым, каб прымаць новую рэдакцыю з дапамогай закона, а не пастановай Саўміна, пагадзiлiся прадстаўнiкi Мiнiстэрства адукацыi, якiя прысутнiчалi на пасяджэннi. Так, намеснiк мiнiстра адукацыi Казiмiр Фарыно заявiў, што яго ведамства «адразу вызначылася з тым, што павiнен быць закон, якi абавязаны выконваць усе грамадзяне Беларусi».

Паводле слоў памочнiка мiнiстра адукацыi Вiктара Iўчанкава, прыняцце новай рэдакцыi Правiлаў законам «надасць новы стымул, новы iмпульс» для захавання адзiных правапiсных нормаў у краiне. Пры гэтым ён дадаў, што ў 2005 годзе ў краiне энтузiястамi быў выдадзены «Класiчны правапiс», якi «дае зусiм iншыя ўстаноўкi» ў параўнаннi з тымi, што iснуюць сёння ў правапiсе, якi зацверджаны на дзяржаўным узроўнi.

Выступаючы на пасяджэннi, дырэктар Iнстытута мовазнаўства iмя Я. Коласа Нацыянальнай акадэмii навук Аляксандр Лукашанец заявiў, што прыняцце новай рэдакцыi Правiлаў закране «не вельмi вялiкую колькасць слоў», таму «не запатрабуе тэрмiновага перавыдання вучэбнай лiтаратуры. Гэтыя невялiкiя змены будуць унесены ў працэсе натуральнага абнаўлення вучэбнай лiтаратуры». Не будзе i спецыяльнага перавыдання мастацкай лiтаратуры. «Адзiнае, што будзе зроблена, — будзе падрыхтавана новае выданне Слоўнiка беларускай мовы 1987 года, дзе будуць унесены карэктывы».

Паводле слоў Уладзiмiра Здановiча, тое, што прыняцце новай рэдакцыi Правiлаў не запатрабуе тэрмiновага перавыдання падручнiкаў, пацвердзiлi ў Савеце Мiнiстраў. Там адзначылi, што «паколькi ўвядзенне новай рэдакцыi Правiлаў не патрабуе ўнясення кардынальных змен у школьныя падручнiкi i вучэбныя дапаможнiкi па беларускай мове, iх карэкцiроўка будзе праведзена» пры планавай замене.

Савет Мiнiстраў у сваiм лiсце ў Палату прадстаўнiкоў таксама «гарантуе ўсiм будучым абiтурыентам, што словы са змененым правапiсам не будуць выкарыстоўвацца ў педагагiчных тэкстах для правядзення цэнтралiзаванага тэсцiравання да таго часу, пакуль не будуць цалкам выдадзены праграмы, падручнiкi i iншая вучэбна-метадычная лiтаратура».