Закон Рэспублiкi Беларусь

Источник материала:

Прыняты Палатай прадстаўнiкоў 7 чэрвеня 2007 года

Адобраны Саветам Рэспублiкi 22 чэрвеня 2007 года

Артыкул 1. Пункты 2 i 3 артыкула 12 Закона Рэспублiкi Беларусь ад 13 лiстапада 1992 года «Аб статусе ваеннаслужачых» (Ведамасцi Вярхоўнага Савета Рэспублiкi Беларусь, 1992 г., № 28, ст. 497; 1995 г., № 19, ст. 232) выкласцi ў наступнай рэдакцыi:

«2. Ваеннаслужачым (за выключэннем ваеннаслужачых тэрмiновай ваеннай службы) вiды водпускаў, iх працягласць i парадак прадастаўлення ўстанаўлiваюцца Прэзiдэнтам Рэспублiкi Беларусь.

3. Ваеннаслужачым тэрмiновай ваеннай службы за ўвесь перыяд ваеннай службы прадастаўляецца водпуск:

якiя праходзяць тэрмiновую ваенную службу 18 месяцаў: салдатам i матросам — 10 сутак, сяржантам i старшынам — 15 сутак;

якiя праходзяць тэрмiновую ваенную службу 12 месяцаў: салдатам i матросам — 5 сутак, сяржантам i старшынам — 10 сутак.

Працягласць водпуску за ўвесь перыяд ваеннай службы ваеннаслужачым тэрмiновай ваеннай службы можа быць павялiчана (у выглядзе заахвочвання) на тэрмiн да 10 сутак у парадку, якi прадугледжаны Дысцыплiнарным статутам Узброеных Сiл Рэспублiкi Беларусь.

За ўчыненне дысцыплiнарных праступкаў на ваеннаслужачых тэрмiновай ваеннай службы ў парадку, якi прадугледжаны Дысцыплiнарным статутам Узброеных Сiл Рэспублiкi Беларусь, можа быць накладзена дысцыплiнарнае спагнанне ў выглядзе змяншэння працягласцi водпуску за ўвесь перыяд тэрмiновай ваеннай службы на тэрмiн:

якiя праходзяць тэрмiновую ваенную службу 18 месяцаў: салдатам i матросам — да 5 сутак, сяржантам i старшынам — да 8 сутак;

якiя праходзяць тэрмiновую ваенную службу 12 месяцаў: салдатам i матросам — да 2 сутак, сяржантам i старшынам — да 5 сутак.

Ваеннаслужачым, якiя праходзяць тэрмiновую ваенную службу 6 месяцаў, водпуск за ўвесь перыяд ваеннай службы не прадастаўляецца.

Ваеннаслужачым тэрмiновай ваеннай службы прадастаўляецца водпуск па хваробе i па ўважлiвых прычынах асабiстага i сямейнага характару.

Водпуск па хваробе прадастаўляецца на падставе заключэння ваенна-ўрачэбнай камiсii тым ваеннаслужачым тэрмiновай ваеннай службы, якiя пасля заканчэння стацыянарнага лячэння i правядзення рэабiлiтацыi яшчэ не могуць па стану здароўя выконваць абавязкi ваеннай службы (службовыя абавязкi). Парадак прадастаўлення водпуску па хваробе i яго працягласць вызначаюцца заканадаўствам Рэспублiкi Беларусь.

Водпуск па ўважлiвых прычынах асабiстага i сямейнага характару да 10 сутак прадастаўляецца ваеннаслужачаму тэрмiновай ваеннай службы ў выпадку:

уступлення ў шлюб;

цяжкай хваробы або смерцi (гiбелi) яго блiзкага сваяка (мацi, бацькi, жонкi, дзяцей, родных брата або сястры, дзядулi, бабулi, усынавiцеляў);

пажару або iншага стыхiйнага бедства, якое спасцiгла сям’ю або блiзкiх сваякоў ваеннаслужачага тэрмiновай ваеннай службы;

у iншых выключных выпадках, калi прысутнасць ваеннаслужачага тэрмiновай ваеннай службы ў сям’i неабходная.

Абставiны, у сувязi з якiмi ваеннаслужачаму тэрмiновай ваеннай службы прадастаўлены водпуск па ўважлiвых прычынах асабiстага i сямейнага характару, павiнны быць, як правiла, дакументальна пацверджаны.».

Артыкул 2. Дзеянне абзацаў трэцяга—шостага артыкула 1 гэтага Закона не распаўсюджваецца на ваеннаслужачых тэрмiновай ваеннай службы, прызваных на тэрмiновую ваенную службу да яго ўступлення ў сiлу.

Артыкул 3. Савету Мiнiстраў Рэспублiкi Беларусь у трохмесячны тэрмiн:

забяспечыць прывядзенне актаў заканадаўства Рэспублiкi Беларусь у адпаведнасць з гэтым Законам;

прыняць iншыя меры, неабходныя для рэалiзацыi палажэнняў гэтага Закона.

Артыкул 4. Гэты Закон уступае ў сiлу праз дзесяць дзён пасля яго афiцыйнага апублiкавання.

Прэзiдэнт Рэспублiкi Беларусь А. ЛУКАШЭНКА.

16 лiпеня 2007 года, г. Мiнск.

№ 258—З