ДАВАЙЦЕ ЎДАКЛАДНIМ...

Источник материала:

Ды не адзiн Далiдовiч так гаворыць.

А цi правiльны выраз — сябар Саюза пiсьменнiкаў. Здаецца, правiльна будзе — член Саюза пiсьменнiкаў.

У Тлумачальным слоўнiку беларускай мовы чытаем: «Член — асоба, што ўваходзiць у склад якой-небудзь групы, аб’яднання, арганiзацыi, таварыства i пад.».

Сябар — чалавек, якi стаiць збоку, ён не з’яўляецца неад’емнай часткай чаго-небудзь (групы i пад.).

У мяне сям’я: жонка i два сыны. Хто я — член сям’i цi сябра сям’i? Але ж сябрам маёй сям’i можа быць i сусед. Тады якая рознiца памiж мной i суседам: i я сябар маёй сям’i, i ён сябар маёй сям’i!

Помнiцца, у 60—70-я гады мiнулага стагоддзя ў кiнатэатрах краiны дэманстраваўся фiльм «Член правительства» («Член урада»). Па аналогii «сябра Саюза пiсьменнiкаў» павiнна быць — «Друг правительства» («Сябар урада»). Але ж гэта хутчэй яўная бязглуздзiца, абсурд!

У беларускай газеце «Звязда» нi разу не сустрэў выразу — сябар Палаты прадстаўнiкоў Нацыянальнага сходу Рэспублiкi Беларусь, а заўсёды пiшацца — член Палаты прадстаўнiкоў.

Калi я сябар Саюза пiсьменнiкаў, тады, выходзiць, што я плачу сяброўскiя ўзносы, а не членскiя. Возьмем пiсьменнiцкае пасведчанне — там напiсана «Членскi бiлет», а не «Сяброўскi бiлет».

Цi не iдзе гэта (сябар Саюза пiсьменнiкаў) ад нейкай надуманасцi, цi дакладней, ад залiшняй цнатлiвасцi: маўляў, мы ж такiя сцiплыя, чысценькiя, беззаганныя... гэта пры бальшавiках мы былi «членамi».

Давайце абмяркуем разам!