Спрошчана працэдура мытнага афармлення тавараў пры iх транзiтным перамяшчэннi

Источник материала:

Неабходнасць прыняцця Указа выклiкана змяненнямi ў мытным заканадаўстве ў сувязi з уступленнем у сiлу з 1 лiпеня новай рэдакцыi Мытнага кодэкса.

Рэспублiка Беларусь, прыхiльная да прынцыпу свабоды транзiту, захоўвае асаблiвасць прымянення аперацый мытнага кантролю ў адносiнах да звестак, што заяўляюцца перавозчыкам пры транзiтным перамяшчэннi тавараў праз тэрыторыю рэспублiкi. Пералiк такiх звестак вызначаны артыкулам 108 Мытнага кодэкса Беларусi.

Кантролю мытнымi органамi падлягаюць звесткi, якiя даюць магчымасць для мытных мэтаў iдэнтыфiкаваць тавары i iх колькасць. Да iх адносяцца назва тавараў, iх колькасць, колькасць грузавых месцаў, вага брута тавараў.

Кантроль iншых звестак мытныя органы не вядуць, а толькi право-дзяць праверку наяўнасцi тавараў у дакументах, якiя iх суправаджаюць. Калi ў такiх звестках дапушчаны разыходжаннi або яны ўвогуле адсутнiчаюць, перавозчык можа iх заявiць або ўдакладнiць на працягу шасцi гадзiн.

Пры невыкананнi перавозчыкам гэтага патрабавання тавары, што перамяшчаюцца транзiтам праз тэрыторыю рэспублiкi, могуць быць дапушчаны да перавозкi пры ўмове суправаджэння iх падраздзяленнямi Дэпартамента аховы Мiнiстэрства ўнутраных спраў або мытнымi органамi рэспублiкi. Такое суправаджэнне дазволiць выключыць магчымасць парушэння перавозчыкам заканадаўства Рэспублiкi Беларусь i паслужыць дадатковай гарантыяй дастаўкi тавараў да пункта прызначэння без дадатковай праверкi названых звестак.

Такiм чынам, з прыняццем Указа працэдура мытнага афармлення тавараў пры перамяшчэннi iх праз мытную гранiцу рэспублiкi спрашчаецца i становiцца больш зразумелай для перавозчыкаў. Прынятыя змяненнi ў поўнай меры адпавядаюць мiжнародным стандартам.