Главная
Гороскопы
ЗАЯВА Пастаяннай камiсii Савета Рэспублiкi Нацыянальнага сходу Рэспублiкi Беларусь па мiжнародных с
Пастаянная камiсiя Савета Рэспублiкi Нацыянальнага сходу Рэспублiкi Беларусь па мiжнародных справах i нацыянальнай бяспецы i Пастаянная камiсiя Палаты прадстаўнiкоў Нацыянальнага сходу Рэспублiкi Беларусь па мiжнародных справах i сувязях з СНД выказваюць шкадаванне ў сувязi з прыняццем на штогадовай сесii Парламенцкай Асамблеi АБСЕ рэзалюцыi па сiтуацыi ў Беларусi. Гэтая рэзалюцыя носiць адкрыта прадузяты характар. Яна абмяркоўвалася i прымалася з беспрэцэдэнтнай колькасцю парушэнняў Правiлаў працэдуры Асамблеi ва ўмовах яўнай заангажаванасцi яе iнiцыятараў i прыхiльнiкаў.
Парламенцкая Асамблея АБСЕ ў сваёй дзейнасцi павiнна кiравацца прынцыпамi раўнапраўнага дыялогу i канструктыўнага супрацоўнiцтва. Аднак замест абмеркавання такiх актуальных праблем сучаснасцi, як сiтуацыя вакол Дагавора аб звычайных узброеных сiлах у Еўропе або разгортванне элементаў сiстэмы ПРА на нашым кантыненце, Парламенцкая Асамблея АБСЕ прымае рэзалюцыю, накiраваную супраць iнтарэсаў беларускай дзяржавы, якая ўносiць важны ўклад ва ўмацаванне бяспекi i стабiльнасцi ў еўрапейскiм рэгiёне. Такi падыход непрымальны i не садзейнiчае вырашэнню крызiсных пытанняў, а падобныя неаб’ектыўныя рэзалюцыi нiякiм чынам не садзейнiчаюць дасягненню мэтаў АБСЕ. Гэтая рэзалюцыя была прынята таксама насуперак узаемадзеянню, якое развiваецца, памiж дэлегацыяй Нацыянальнага сходу Рэспублiкi Беларусь у Асамблеi i Рабочай групай ПА АБСЕ па Беларусi, падчас якога пачалося абмеркаванне магчымасцяў нашай краiны ў рамках Еўрапейскай палiтыкi суседства. Гэта ставiць пад сумненне мэтазгоднасць супрацоўнiцтва з дадзенай Рабочай групай. Пастаянная камiсiя Савета Рэспублiкi Нацыянальнага сходу Рэспублiкi Беларусь па мiжнародных справах i нацыянальнай бяспецы i Пастаянная камiсiя Палаты прадстаўнiкоў Нацыянальнага сходу Рэспублiкi Беларусь па мiжнародных справах i сувязях з СНД яшчэ раз заяўляюць аб гатоўнасцi беларускага Парламента развiваць усебаковае i канструктыўнае ўзаемадзеянне ў рамках ПА АБСЕ на аснове няўхiльнага выканання хельсiнкскiх прынцыпаў. 17 лiпеня 2007 года, г. Мiнск Чтобы разместить новость на сайте или в блоге скопируйте код:
На вашем ресурсе это будет выглядеть так
Пастаянная камiсiя Савета Рэспублiкi Нацыянальнага сходу Рэспублiкi Беларусь па мiжнародных справах i нацыянальнай бяспецы i Пастаянная камiсiя Палаты
|
|