Працоўная кнiжка — «лiшняя» справа?

Источник материала:

У прыватнасцi, падчас праверак высветлiлiся выпадкi, калi ў працоўных дагаворах не ўказвалiся тэрмiны iх дзеяння i вiды выконваемых работ. I больш за тое: дзе-нiдзе, насуперак заканадаўству, палiчылi залiшнiм афармленне дагавораў персанальна з кожным удзельнiкам будатрада. Або... афармленне дагавораў увогуле. Апроч таго, на момант праверак далёка не на ўсiх студэнтаў былi заведзены працоўныя кнiжкi. I ў тым лiку — проста з-за адсутнасцi ў наймальнiкаў адпаведных бланкаў.

Не менш пытанняў узнiкла па тэхнiцы бяспекi. Адзначана адразу некалькi выпадкаў, калi ўдзельнiкi будатрадаў дапускалiся да работ без абавязковых медыцынскiх аглядаў, навучання, стажыроўкi, праверкi ведаў па ахове працы. А таксама без сродкаў iндывiдуальнай абароны i ў тым лiку — без будаўнiчых касак. «Дзяржаўным iнспектарам працы давялося сутыкнуцца з сiтуацыяй, калi чацвёра студэнтаў выконвалi дапаможныя работы па ўстаноўцы жалезабетоннага плота, вага якога перавышала дапушчальныя нормы пад’ёму i перасоўвання цяжкасцяў падлеткамi ўручную, — кажа Святлана Лупач. — У другiм будатрадзе рыхтавалi бетон для ўстаноўкi слупоў плота прама на праезнай частцы дарогi без выкарыстання спецыяльных дарожных знакаў i агароджанняў, у трэцiм — выкарыстоўвалi падмосткi i прыстаўныя лесвiцы, якiя не адпавядалi патрабаванням тэхнiкi бяспекi».

Дарэчы, адзначыла Святлана Лупач, у вынiку праверак будатрадаў было выдадзена 32 прадпiсаннi на ўхiленне парушэнняў працоўнага заканадаўства i патрабаванняў па ахове працы, пры гэтым у адносiнах да 15 наймальнiкаў i 7 канкрэтных службовых асобаў выкарыстаны эканамiчныя санкцыi на агульную суму звыш 5 млн рублёў. Плюс да таго прынята рашэнне аб забароне дзейнасцi аднаго са студэнцкiх атрадаў — за неадпаведнасць умоў працы тэхнiцы бяспекi.