Главная
Гороскопы
Як святыню...«Звязда» мая... Чалавек — цiкавае стварэнне. Пахавала ўвосень мацi — думала не перажыву гэтае гора. Але ж праўду кажуць, што з часам нават самы невыносны, самы пякучы боль неяк ацiхае....У мiнулым месяцы «падзялiлi» з братам спадчыну. Дакладней — бацькоўскае жытло аформiлi на брата: я ў вёсцы жыву, а ён чалавек гарадскi (цяпер), то хай прыязджае, хай гаспадарыць. Я на памяць сабе толькi некалькi рэчаў забрала — матулiны дзявоцкiя вышыванкi, што-кольвечы з драбязы, абразок Прачыстай Багародзiцы з маленькiм Iсусам: ён заўжды ў нашай хаце вiсеў — старэнькi такi... Прывёзшы дамоў, рашылi з мужам яго трошкi падправiць, пачысцiць. Знялi цвiчкi, на якiх трымалася фанерка... I пад ёй, што б вы думалi — «Звязда» за 30 мая 1957 года! Паўвека... А захавалася, бы ў Хрыста за пазухай! Не, нездарма так кажуць!.. Як матулiну Прачыстую Багародзiцу, як вялiкую сямейную святыню буду захоўваць газету далей, бо гэта тое, да чаго дакраналiся рукi маiх бацькоў, маiх продкаў. Хутчэй за ўсё — па татавай лiнii, бо мама з сям’i каталiцкай. Шмат пра што мне сказала i дата — 30 мая. Бацькi мае пажанiлiся 5 чэрвеня 1957 года. Значыць, гэты абразок хутчэй за ўсё бабуля Шура паднаўляла, ладзiла маладым да вяселля, мо нават бласлаўляла iх — на доўгi век, на добрае жыццё. Вось такая ў мяне гiсторыя. Вельмi асабiстая. Нэлi СМОЛЬНIК, в. Н. Рубяжэвiчы, Стаўбцоўскi раён. Чтобы разместить новость на сайте или в блоге скопируйте код:
На вашем ресурсе это будет выглядеть так
Чалавек — цiкавае стварэнне. Пахавала ўвосень мацi — думала не перажыву гэтае гора. Але ж праўду кажуць, што з часам нават самы невыносны, самы пякучы
|
|