На аўтамабілi — у пiцэрыю

Источник материала:

П’яны вадзiцель у Мiнску не справiўся з кiраваннем i ўехаў у пiцэрыю праз вiтрыну. Аб гэтым карэспандэнту БЕЛТА паведамiў старшы iнспектар аддзялення арганiзацыi ўзаемадзеяння са СМІ i прапаганды бяспекi дарожнага руху ўпраўлення ДАI МУС Беларусi Фёдар Гулiцкi.

Мiнчанiн 1987 года нараджэння, рухаючыся па вул. Нямiга з боку праспекта Пераможцаў, на скрыжаваннi з вул. Раманаўская слабада не справiўся з кiраваннем i ўрэзаўся ў будынак № 28 па вул. Нямiга. Толькi па шчаслiвай выпадковасцi нiхто не пацярпеў. У момант ДТЗ вадзiцель знаходзiўся ў нецвярозым стане. Затрыманы грамадзянiн ужо не раз прыцягваўся да адмiнiстрацыйнай адказнасцi за кiраванне аўтамабiлем у нецвярозым стане. Пачынаючы з 2005 года, калi ён атрымаў правы, гэта ўжо чацвёртае здарэнне. Больш за тое, мiнчанiн кiраваў аўтамабiлем, калi ўжо быў пазбаўлены вадзiцельскiх правоў. Як патлумачылi супрацоўнiкi ДАI, п’янага вадзiцеля (перад яго арыгiнальным паходам за пiцай) спрабавалi спынiць на шляху ад вул. Максiма Багдановiча, калi той ехаў у бок вул. Янкi Купалы. Мiнчанiн не выканаў патрабавання супрацоўнiкаў ДАI аб спыненнi. Парушальнiк затрыманы.