У беларусі будуць будаваць больш i па даступных цэнах

Источник материала:

Аб гэтым карэспандэнту БЕЛТА расказаў мiнiстр архiтэктуры i будаўнiцтва Беларусi Аляксандр Селязнёў

— У гэтым годзе ўрад зацвердзiў Канцэпцыю будаўнiцтва даступнага i камфортнага жылля...

— Калi сёння ў Мiнску выканкамы прапануюць будаваць жыллё тым, хто стаў у чаргу яшчэ каля 20 гадоў таму, то з 2010 года ў ёй давядзецца стаяць не больш за 10, а з 2015 года — каля 5 гадоў. Гэта значыць той, хто стане на чаргу ў 2010 годзе, пачне будаўнiцтва не пазней за 2020 год.

— Колькi давядзецца чакаць таму, хто стаiць на чарзе, напрыклад, з 2003—2005 гадоў?

— Да 2015 года яны адназначна пачнуць будавацца. Акрамя таго, у Канцэпцыi агаворваецца i такi момант, як даступны кошт жылля. Многiя камерцыйныя прадпрыемствы, напрыклад, захапiлiся павелiчэннем даходаў i праектуюць вельмi вялiкiя кватэры. Мы маем намер пераарыентаваць будаўнiкоў на ўзвядзенне жылля, якое будзе больш адпавядаць плацежаздольнаму попыту грамадзян. Напрыклад, калi гэта двухпакаёвыя кватэры, то асноўная iх частка павiнна будавацца плошчай не больш за 65 кв.м. Зразумела, у будучым па-ранейшаму будуць будаваць жыллё самых розных спажывецкiх якасцяў, але столькi, колькi яго сапраўды трэба.

— На якi кошт жылля разлiчваць чаргавiкам да 2011 года?

— На сёння для гэтай катэгорыi грамадзян цана 1 кв.м для маючых патрэбу ў дамах буйнапанэльнага домабудавання (БПД) складае да Br950 тыс., у дамах iншых канструкцыйных схем — да Br1,3 млн.  Да 2011 года арыенцiровачны кошт 1 кв.м складзе ў дамах БПД каля Br1,25 млн, у цагельных i каркасна-блочных дамах — каля Br1,6 млн.

Праект закона "Аб сiстэме жыллёвых будаўнiчых зберажэнняў" ужо ўнесены ва ўрад, цяпер завяршаецца яго дапрацоўка. Дакумент зможа забяспечыць грамадзянам гарантыi будаўнiцтва жылля.

— Многiя звязваюць свае надзеi абзавесцiся кватэрай i з механiзмам iпатэчнага крэдытавання...

—  Мы спадзяёмся, што ў 2009 годзе закон будзе аддадзены на подпiс кiраўнiку дзяржавы. Думку, што iпатэка можа падагнаць рост цэнаў на жыллё, я лiчу няправiльнай.

Трэба прызнаць, што iпатэка даступна, у першую чаргу, грамадзянам з вялiкiм узроўнем дастатку. У той жа Расii сёння толькi каля 2—3 працэнтаў насельнiцтва вырашаюць свае жыллёвыя праблемы праз iпатэчнае крэдытаванне. Таму спачатку не варта разлiчваць на масавы ўдзел насельнiцтва Беларусi ў гэтай сiстэме, але ёсць усе падставы спадзявацца, што ў будучым iпатэка атрымае шырокае распаўсюджванне.

— Апошнiм часам пастаянна абмяркоўваецца праблема няхваткi кадраў у галiне...

— Ужо прынята рашэнне аб павышэннi зарплаты будаўнiкоў за кошт павелiчэння яе долi ў каштарыснай вартасцi будаўнiцтва. Да гэтага часу ў каштарыс уключалася зарплата каля Br600—Br650. За кошт таго, што астатняя частка даплачвалася фактычна з прыбытку бударганiзацый, рэальна будаўнiкi зараблялi ў Мiнску каля Br1,1 млн—Br1,2 млн. Цяпер зарплата высокаквалiфiкаваных рабочых асноўных будаўнiчых спецыяльнасцяў будзе павышана да Br1,3—Br1,5 млн. Таксама падрыхтаваны праект пастановы ўрада аб прадастаўленнi будаўнiкам, якiя маюць патрэбу ў жыллi, iльгот пры ўступленнi ў ЖБК i атрыманнi крэдытаў на будаўнiцтва...