Вянок ад Прэзідэнта Беларусi ўскладзены ў Маскве да Магiлы Невядомага салдата

Источник материала:

Вянок ад Прэзiдэнта Рэспублiкi Беларусь Аляксандра Лукашэнкi ўскладзены 6 мая ў Маскве да Магiлы Невядомага салдата каля Крамлёўскай сцяны.

Цырымонiя, прысвечаная 63-й гадавiне Перамогi над нямецка-фашысцкiмi захопнiкамi, прайшла ва ўрачыстай абстаноўцы. У ёй прынялi ўдзел Надзвычайны i Паўнамоцны Пасол Беларусi ў Расii Васiль Далгалёў, дзяжсакратар Саюзнай дзяржавы Павел Барадзiн, ветэраны вайны, военачальнiкi, беларускiя дыпламаты, супрацоўнiкi Пастаяннага камiтэта Саюзнай дзяржавы i Парламенцкага сходу Саюза Беларусi i Расii, прадстаўнiкi беларускай дыяспары.

Удзельнiкi цырымонii ўсклалi таксама кветкi да памятных знакаў "Горад-герой Мiнск" i "Брэсцкая крэпасць-герой", устаноўленых на Алеi гарадоў-герояў у Аляксандраўскiм садзе.

Пасля ўрачыстай цырымонii Васiль Далгалёў у гутарцы з журналiстамi назваў радасным той факт, што сярод яе ўдзельнiкаў было нямала расiйскiх ветэранаў Вялiкай Айчыннай вайны. "Расiя — гэта не толькi наш партнёр, але сябар i брат", — падкрэслiў дыпламат.