Удзень — нестабільнае цяпло, уначы — замаразкi

Источник материала:

У блiжэйшыя трое сутак на нашу тэрыторыю будзе паступаць халоднае паветра з поўначы Еўропы, — паведамiў рэдакцыi начальнiк службы гiдрапрагнозаў Рэспублiканскага гiдраметцэнтра Дзмiтрый Рабаў.

Менавiта таму 8, 9 i 10 мая будзе воблачна, месцамi — кароткачасовыя дажджы. Тэмпература паветра ўначы 9 мая — 1—7 градусаў цяпла, месцамi замаразкi да мiнус 2 градусаў, 10 мая — 3—8 цяпла i замаразкi месцамi да мiнус 3 градусаў. Удзень тэмпература паветра 9—10 мая будзе вагацца ад 13 да 20 цяпла.

У нядзелю атмасферны цiск павялiчыцца i кароткачасовыя дажджы будуць назiрацца толькi па паўднёвым усходзе краiны. Тэмпература паветра ўначы 3—9, удзень — 15—21 градус цяпла. У панядзелак невялiкiя дажджы i навальнiцы будуць назiрацца ўжо па паўночным захадзе Беларусi. Тэмпература паветра ўначы 4—9, удзень — 16—21 цяпла. Ад майскiх замаразкаў уначы сiноптыкi раяць выкарыстоўваць папярэднi добры палiў або задымленне тэрыторый.

Сяргей КУРКАЧ.