Новы парадак распараджэння прыбыткам уведзены для цэментных заводаў

Источник материала:

Прэзідэнт Беларусi 13 мая падпiсаў указ № 252 "Аб дадатковых паступленнях у дзяржаўны мэтавы бюджэтны фонд нацыянальнага развiцця i напрамках iх выкарыстання".

Указам прадугледжана, што з 1 красавiка 2008 года па 31 снежня 2010 года цэментныя заводы штомесяц будуць уносiць у дзяржаўны мэтавы бюджэтны фонд нацыянальнага развiцця 80 працэнтаў прыбытку, якi застаўся ў iх распараджэннi пасля выплаты ва ўстаноўленым парадку падаткаў i збораў. Таксама ў гэты фонд будзе накiравана 90 працэнтаў падатку на прыбытак, якi выплачваецца цэментнымi заводамi.

З 1 красавiка 2008 года на ўнутраным рынку ўстаноўлена адпускная цана за 1 тону (у тары) айчыннага цэменту, роўная цане на iмпартуемы цэмент, — $135 (без улiку ПДВ). У вынiку ўвядзення адзiнай цаны арганiзацыi, якiя вырабляюць цэмент, атрымаюць дадатковы прыбытак. Напрыклад, у 2008 годзе паступленнi ў бюджэт ад увядзення адзiнай цаны на цэмент складуць амаль Br240 млрд.

Прэс-служба Прэзiдэнта Рэспублiкi Беларусь.