Для актывізацыi гандлёва-эканамiчнага супрацоўнiцтва Беларусi i Туркменiстана патрэбен новы iмпульс

Источник материала:

Аб гэтым заявiў Прэзiдэнт Беларусi Аляксандр Лукашэнка на сустрэчы з намеснiкам старшынi Кабiнета мiнiстраў Туркменiстана мiнiстрам замежных спраў Рашыдам Мерэдавым.

"У нас добра развiваецца гандлёва-эканамiчнае супрацоўнiцтва. Але, нягледзячы на рост тавараабароту, патрэбен больш магутны iмпульс", — сказаў кiраўнiк дзяржавы.

Аляксандр Лукашэнка перадаў запрашэнне прэзiдэнту Туркменiстана наведаць Беларусь. "Думаю, што мы знойдзем агульныя падыходы ў супрацоўнiцтве не толькi ў галiне машынабудавання, але i па iншых пытаннях", — падкрэслiў ён.

Рашыд Мерэдаў у сваю чаргу пацвердзiў, што беларуска-туркменскiя адносiны развiваюцца дастаткова дынамiчна. Паводле яго слоў, апошнiм часам значна актывiзавалася двухбаковае супрацоўнiцтва па самых розных напрамках. Ён таксама дадаў, што пачалася рэалiзацыя дасягнутых раней у Ашхабадзе беларуска-туркменскiх дамоўленасцяў.

Паводле паведамленняў прэс-службы Прэзiдэнта Рэспублiкi Беларусь i БЕЛТА.