Главная
Гороскопы
Разжыліся мiльярдам
Разжыліся мiльярдам
На слыху Расiянiн i двое жыхароў Бабруйска падазраюцца ў тым, што са студзеня 2005 па люты гэтага года атрымалi даход у 1 мiльярд рублёў, займаючыся незаконнай прадпрымальнiцкай дзейнасцю. Што датычыцца двух нашых грамадзян, то яны — пры пасадах. 45-гадовая бабруйчанка i яе 44-гадовы зямляк з’яўляюцца дырэктарамi прыватных прадпрыемстваў. На чым канкрэтна "скалацiлi" капiтал падазроныя, — пакуль не паведамляецца. Ігар ГРЫШЫН. Мабiльнае "палiва" Грамадзянiн Беларусi спрабаваў незаконна ўвезцi з Польшчы ў нашу краiну партыю мабiльных тэлефонаў, схаваўшы iх у палiўным баку свайго "Мерседэса". Паводле звестак прэс-цэнтра Дзяржаўнага пагранiчнага камiтэта, у тайнiку гродзенскiя памежнiкi знайшлi 129 мабiльнiкаў i камплектуючыя дэталi агульным коштам амаль 40 мiльёнаў рублёў. Тэлефоны, а таксама аўтамабiль перададзены ў мытню. Зусiм верагодна, што кантрабандыст можа страцiць не толькi мабiльнiкi, але i "Мерседэс". Мiкола ДЗЯБЁЛА. "Усплылi" запчасткi Папярэднiм расследаваннем УУС Магiлёўскага аблвыканкама ўзбуджана крымiнальная справа ў адносiнах да двух адказных асобаў ААТ "Крычаўрайаграпрамтэхснаб". "Прэтэнзii" праваахоўнiкаў да гэтых жыхароў Крычава тычацца iх дзейнасцi ў сакавiку, красавiку i маi сёлетняга года. У прыватнасцi, падазраюцца яны ў тым, што выкралi запасныя часткi да сельгасмашын на агульную суму 23 мiльёны 100 тысяч рублёў. Дзмiтрый СТАНКОВIЧ. Мяркуемы ўрон — 473 млн Генеральнай пракуратурай Беларусi ўзбуджана крымiнальная справа ў адносiнах да адказнай асобы Бабруйскага гарвыканкама (былога дырэктара аднаго з камбiнатаў), а таксама намеснiка дырэктара i памочнiка дырэктара гэтага прадпрыемства. Паводле папярэдняй iнфармацыi, падазраюцца гэтыя асобы ў злоўжываннi службовымi паўнамоцтвамi. У прыватнасцi, як мяркуецца, падазроныя ў перыяд з 2006 па 2007 год нанеслi ўрон згаданаму прадпрыемству ў памеры 473 мiльёны 600 тысяч рублёў. Iгар ГРЫШЫН. Бюджэт не далiчыўся 324 млн Папярэднiм расследаваннем УУС Магiлёўскага аблвыканкама па матэрыялах УБЭЗ узбуджана крымiнальная справа ў адносiнах да двух магiляўчан — дырэктара прыватнага вытворчага прадпрыемства i дырэктара таварыства з дадатковай адказнасцю. Летась адзiн з iх займаў пасаду дырэктара згаданага таварыства, другi быў яго заснавальнiкам. Менавiта тады, а дакладней — са жнiўня па верасень, падазроныя, як мяркуецца, i злоўжылi сваiм службовым становiшчам. Падазраюцца абодва ў крадзяжы 324 мiльёнаў рублёў бюджэтных сродкаў. Iгар ГРЫШЫН.
Чтобы разместить новость на сайте или в блоге скопируйте код:
На вашем ресурсе это будет выглядеть так
Расiянiн i двое жыхароў Бабруйска падазраюцца ў тым, што са студзеня 2005 па люты гэтага года атрымалi даход у 1 мiльярд рублёў, займаючыся незаконнай |
|