Хроніка апошніх падзей

Источник материала:

Брытанская атамная падлодка ўрэзалася ў скалу ў Чырвоным моры

Брытанская атамная падлодка HMS Suреrb стукнулася аб падводныя скалы ў Чырвоным моры i была вымушаная ўсплыць на паверхню, паведамляе BBС Nеws.

Як гаворыцца ў заяве Мiнiстэрства абароны Вялiкабрытанii, у вынiку iнцыдэнту было пашкоджана гiдралакацыйнае абсталяванне, пры гэтым атамны рэактар "абсалютна не закрануты". Нiхто з 112 членаў каманды не пацярпеў, падлодка застаецца на плыву. Небяспекi для навакольнага асяроддзя няма, падкрэслiлi ў Мiнабароны.

Самыя працавiтыя ў свеце — паўднёвыя карэйцы

Жыхары Паўднёвай Карэi прызнаныя самымi працавiтымi ў свеце. Такiя вынiкi апублiкаванага часопiсам Fоrbеs даследавання Арганiзацыi эканамiчнага супрацоўнiцтва i развiцця, якая ацанiла ўзровень працаздольнасцi ў 32 краiнах свету па сярэднегадовай колькасцi "працоўных гадзiн".

Першынства ў рэйтынгу паўднёвакарэйцам забяспечыў паказчык у 2 357 гадзiн — менавiта столькi праводзяць на працы грамадзяне квiтнеючай азiяцкай краiны. Шасцiдзённы працоўны тыдзень тут хутчэй норма, чым выключэнне. Дзеля кар’еры паўднёвакарэйцы змiраюцца i з больш чым непрацяглым адпачынкам, якi нярэдка складае ўсяго 3 днi за год. У краiне нават прымаюцца заканадаўчыя меры, заклiканыя абмежаваць "працоўны запал" грамадзян.

Працавiтым азiятам трохi саступаюць грэкi, якiя аддаюць працы ў сярэднiм 2 050 гадзiн у год. На ганаровых 3—5 месцах размясцiлiся краiны Ўсходняй Еўропы — Чэхiя, Венгрыя i Польшча. ЗША займаюць толькi 9-е месца: у сярэднiм амерыканцам атрымоўваецца прысвяцiць адпачынку да 10 дзён у год. Замыкаюць рэйтынг Нарвегiя, Германiя i Галандыя — 1 390 працоўных гадзiн у год.

Жанчыны ўпершыню за 1000 гадоў прабралiся ў "манаскую рэспублiку"

Чацвёра нараджэнак Малдовы выпадкова парушылi забарону i высадзiлiся на грэчаскiм паўвостраве Афон, дзе знаходзяцца 20 праваслаўных манастыроў i дзе з 1060 года не ступала нага жанчыны.

Знаходжанне не толькi асобаў жаночага полу, але нават i самак хатнiх жывёл на Афоне строга забаронена. Паводле падання, нават птушкi не ўюць тут гнёздаў i не выводзяць птушанят.

Малдаванкi ва ўзросце ад 27 да 32 гадоў распавялi палiцыi, што прыплылi з Турцыi. Аб тым, што закон забараняе знаходжанне жанчын у гэтай частцы Грэцыi, яны, паводле iх слоў, не ведалi. Нечаканых гасцей манахi знайшлi на тэрыторыi Афона ў нядзелю i тут жа выклiкалi палiцыю.

Гара Афон лiчыцца апорай праваслаўнага хрысцiянства. Яшчэ ў 1060 годзе iмператар Вiзантыi Канстанцiн Манамах выдаў указ, якi забараняў жанчынам прыязджаць на Афон, каб пазбавiць праваслаўных манахаў ад спакус. Святую гару iнакш называюць яшчэ "манаскай рэспублiкай".