Руплiвыя паштальёны будуць узнагароджаныя

Источник материала:

7 пыласосаў, 7 электрачайнiкаў, 7 насценных гадзiннiкаў атрымаюць па вынiках падпiскi на "Звязду" ў другiм паўгоддзi i трэцiм квартале лепшыя паштальёны ва ўсiх абласцях i ў сталiцы рэспублiкi. А лепшы з лепшых стане ўладальнiкам суперпрыза — двухкамернага халадзiльнiка "Атлант". 

<І>Пошта заўсёды была нашым самым лепшым памочнiкам падчас правядзення падпiсной кампанii. Мы ў сваю чаргу заўсёды старалiся аддзячыць за дапамогу: прэмiявалi лепшыя раённыя вузлы паштовай сувязi, паштовыя аддзяленнi. А вось сёлета, каб было цiкавей радавым паштальёнам,— людзям, якiя непасрэдна працуюць з падпiсчыкамi, вырашылi распачаць гульню: "Прыз руплiваму паштальёну".

Так што, паштальёны, увага!

Для тых, хто за працай не паспеў цi не змог прачытаць умовы гульнi, якiя былi апублiкаваныя ў "Звяздзе" за 24 мая, нагадваем:

Мы запрашаем да ўдзелу ўсiх паштальёнаў рэспублiкi!

Што трэба зрабiць, каб стаць удзельнiкам гульнi "Прыз руплiваму паштальёну"?

Па-першае, у другiм паўгоддзi i трэцiм квартале трэба павялiчыць падпiску на "Звязду" не менш чым на 7 экзэмпляраў.

Па-другое, вынiкi падпiскi аформiць згодна з правiламi (вам давядзецца ўсё ж пачытаць наш нумар за 24 мая 2008 года, дзе ўсе распiсана падрабязна) i даслаць на "Белпошту".

Што будзе далей?

Спачатку мы збяром усе заяўкi i вызначым самы лепшы вынiк. Для таго, каб атрымаць звяздоўскi халадзiльнiк, трэба падняць падпiску на сваiм участку не менш як на 80 экзэмпляраў у параўнаннi з I кварталам 2008 г.

Потым усе заяўкi будуць рассартаваныя на 7 рэгiянальных груп: усе вобласцi i сталiца рэспублiкi. У кожнай групе камiсiя вызначыць 1-е, 2-е i 3-е месцы. Крытэрый вызначэння той жа — павелiчэнне колькасцi падпiсак у экзэмплярах.

Такiм чынам, паштальёны, якiя зоймуць у сваiх рэгiёнах першыя месцы, атрымаюць ад "Звязды" пыласосы, за другiя месцы — электрачайнiкi, за трэцiя — насценныя гадзiннiкi.

Спяшайцеся! Вынiкi можна даслаць да 1 жнiўня, але ж ПАДПIСКА ЗАКАНЧВАЕЦЦА Ў ЧЭРВЕНI!

"Звязда" жадае вам поспехаў! Павялiчвайце колькасць падпiсчыкаў на нашу газету i вы не толькi станеце ўладальнiкамi нашых прызоў, але i адчуеце, наколькi прыемна несцi людзям РОДНУЮ ГАЗЕТУ НА РОДНАЙ МОВЕ.