Чэмпіёнаў свету ўкачалi ў газон

Источник материала:

Вакол Еўра

Старт у групе "смерцi" распачаўся "мёртвай" нiчыёй у барацьбе памiж камандамi Румынii i Францыi (0:0). Галоўны трэнер зборнай Румынii Вiктар Пiцурке прызнаўся, што спадзяваўся на перамогу ў матчы: "Асабiста я разлiчваў узяць у гэтым тры ачкi, бо Францыя ўжо не дэманструе той гульнi, што раней. Але i нiчыя — справядлiвы вынiк". Выратоўваць гульнявы дзень заставалася зборным Iталii i Галандыi. Iм гэта ўдалося. Каманда, асаблiва галандцы, прадэманстравалi перавагi атакуючага футбола над прагматызмам. Зборная Нiдэрландаў упершыню з 1978 года абыграла iтальянцаў i выдала пакуль што самы вынiковы матч Еўра-2008 — 3:0. Галкiпер зборнай Iталii Джанлуiджы Буфон пасля прызнаўся, што матч супраць каманды Галандыi стаў адным з горшых у яго кар’еры. "Я паразмаўляў з футбалiстамi, i мы прыйшлi да высновы, што павiнны папрасiць прабачэння ў балельшчыкаў за тое, што адбылося, i абяцаем згуляць лепш супраць Румынii i Францыi", — як школьнiк, якi правiнiўся, апраўдваўся варатар.

Учора ўвечары ў аўстрыйскiм Iнсбруку зборная Расii згуляла з камандай Iспанii, а на стадыёне ў Зальцбургу сустрэлiся зборныя Грэцыi i Швецыi. Напярэдаднi матча галоўны трэнер расiйскай каманды Гус Хiдынк паабяцаў, што яго падапечныя здзiвяць Еўропу. Ён сказаў, што iспанскiя футбалiсты вядомыя ўсяму свету, а расiян нiхто не ведае. Але пасля матча ўсё кардынальна зменiцца i Еўропа даведаецца пра новую зборную Расii, лiчыць 61-гадовы галандскi спецыялiст. А вось галоўны трэнер зборнай Грэцыi не спяшаецца загадзя выдаваць сваiх сакрэтаў: "Нават калi вы сталi сведкам нашай трэнiроўкi, то наўрад цi зразумееце, як мы будзем гуляць. Я трэнiрую так, што нават сам заблытваюся, i не ўяўляю, у якi футбол згуляем. Толькi перад матчам я вызначуся са складам i планам на гульню. Магу толькi сказаць, што мы не будзем гуляць так, як Польшча, чый абаронца падарыў нямецкаму форварду 30 метраў свабоднага месца i дазволiў забiць. Гэта была спроба па-сучаснаму арганiзаваць афсайд, а атрымаўся сучасны спосаб прайграць з лiкам 0:2".

Туалетная папера з футбольнай сiмволiкай

Сетка магазiнаў-дыскаўнтараў выставiла ў продаж туалетную паперу з пахам футбольнага поля. А сетка магазiнаў, якiя спецыялiзуюцца на аптэчнай i парфумернай прадукцыi, прапануе клiентам туалетную паперу з футбольнай сiмволiкай — выявамi iгракоў, мячоў i кубкаў. Кампанiя, якая спецыялiзуецца на прадукцыi для жывёл, выпусцiла цэлую калекцыю адзення для сабак, якiя хочуць падтрымаць сваiх гаспадароў-балельшчыкаў. У лiнiю ўвайшлi бялiзна, лежакi i гетры ў чорна-чырвона-залатой расфарбоўцы, а таксама зялёная падсцiлка для хатнiх гадаванцаў у форме футбольнага поля — з нанесенымi лiнiямi варотаў...