Тэндэнцыя зніжэння цэнаў на другасным рынку жылля Мiнска можа захавацца i восенню

Источник материала:

Такую думку карэспандэнту БЕЛТА выказаў старшыня Беларускага таварыства ацэньшчыкаў Мiкалай Трыфанаў.

"У любым выпадку зразумела, што даходнасць рынку кватэр, якая прыцягвала туды грошы i нагнятала цэны, сябе вычарпала. Гэта пацвярджаюць i замежныя iнвестары, якiя пераключылi свой iнтарэс на нежылую нерухомую маёмасць — будаўнiцтва гандлёва-забаўляльных, адмiнiстрацыйных цэнтраў".

Паводле даных Беларускага таварыства ацэньшчыкаў, са студзеня па красавiк 2008 года сярэдняя цана квадратнага метра жылля знiзiлася з $2036 да $1986. Цяпер сярэднi кошт квадратнага метра вагаецца на ўзроўнi $1990 плюс-мiнус $10, да канца лета магчыма яго плаўнае падзенне да $1980 таксама з некаторымi ваганнямi.

Мiкалай Трыфанаў не згадзiўся з экспертамi, якiя адзначаюць пасiўнасць у апошнiя месяцы пакупнiкоў жылля. Паводле даных Нацыянальнага кадастравага агенцтва, у красавiку гэтага года было прададзена 975 кватэр. Гэта колькасць заключаных здзелак стала новым рэкордам з лiпеня 2006 года, калi было прададзена 825 кватэр. Для параўнання: у студзенi 2007 года купiлi 197 кватэр, у лiпенi — 244 кватэры, у кастрычнiку — 461, у студзенi 2008 года — 364. На думку старшынi Беларускага таварыства ацэньшчыкаў, здзелкi, якiя былi адкладзены патэнцыянальнымi пакупнiкамi паўгода-год таму, у гэтым годзе будуць заключаны.

У І квартале гэтага года сярэднi кошт жылля знiзiўся ва ўсiх раёнах Мiнска, за выключэннем Цэнтральнага i Ленiнскага. У апошнiм цэны выраслi асаблiва моцна — з $2020 у студзенi гэтага года да $2027 у красавiку. На 1 долар з невялiкiм, да $2258 за 1 кв.м, павялiчыўся кошт жылля ў Цэнтральным раёне.