Вінаватыя ў арганiзацыi "жывога шчыта" супрацоўнiкi ДАІ прыгавораны да 2 гадоў пазбаўлення

Источник материала:

Двое супрацоўнiкаў ДАI Кастрычнiцкага РУУС горада Мiнска, якiя ўдзельнiчалi ў затрыманнi нецвярозага вадзiцеля на трасе Мiнск — Мiкашэвiчы, прыгавораны да двух гадоў пазбаўлення волi ўмоўна з папраўчым тэрмiнам на тры гады. Такi прыгавор абвясцiў суд Мiнскага раёна. Суд прызнаў Генадзя Дарагакупца i Аляксея Лектаровiча вiнаватымi ў перавышэннi ўлады i службовых паўнамоцтваў, якiя iм дадзены па службе, што пацягнула прычыненне ўрону ў буйным памеры, iстотнай шкоды правам i законным iнтарэсам грамадзян, а таксама дзяржаўным i грамадскiм iнтарэсам (ч. 1 арт. 426 КК Беларусi). Вiнаватыя пазбаўляюцца права займаць пасады начальнiцкага складу ў органах унутраных спраў на тэрмiн тры гады. Таксама суд пастанавiў патрабаванне аб спагнаннi ў лiк матэрыяльнага ўзмяшчэння маральнай шкоды задаволiць у суме Br22 млн. У iскавым патрабаваннi аб спагнаннi матэрыяльнага ўрону адмоўлена. Акрамя таго, з вiнаватых будзе спагнана каля Br700 тыс. з кожнага на карысць чатырох пацярпелых на расходы па аплаце дапамогi прадстаўнiкам у судзе.

Кар. БЕЛТА.