"З адною думкаю аб шчасцi Беларусi"

Источник материала:

Памяцi Янкi Купалы

Як паведамiла карэспандэнту "Звязды" Алена Мацевасян, дырэктар Дзяржаўнага лiтаратурнага музея Янкi Купалы, 27 чэрвеня пройдуць традыцыйныя "Жальбiны" па ўшанаваннi памяцi Янкi Купалы.

У гэты дзень а 8-й гадзiне адбудзецца iмша ў касцёле Святога Роха (на Залатой Горцы), а 16-й гадзiне — ускладанне кветак да магiлы Янкi Купалы на Вайсковых могiлках.

Жыццё народнага паэта Беларусi Янкi Купалы трагiчна абарвалася 28 чэрвеня 1942 года ў гасцiнiцы "Масква" — за некалькi дзён да 60-гадовага юбiлею... Столькi часу прайшло, але i дагэтуль смерць паэта ўсё яшчэ застаецца загадкай (што гэта было: няшчасны выпадак? самагубства? забойства?..).

Янку Купалу пахавалi ў Маскве. Урна з яго прахам захоўвалася ў крэматорыi ў белым мармуровым пастаменце (цяпер экспануецца ў музеi). У 1962 годзе, да 80-годдзя паэта, урну з яго прахам перавезлi ў Мiнск, пахавалi на Вайсковых могiлках.

— 6 лiпеня запрашаем узяць удзел у традыцыйным свяце паэзii i песнi "З адною думкаю аб шчасцi Беларусi", прысвечанага 60-годдзю першага фiлiяла Дзяржаўнага лiтаратурнага музея Янкi Купалы i 126-годдзю з дня нараджэння паэта. Свята адбудзецца ў фiлiяле музея "Вязынка".

У праграме свята — выступленне беларускiх пiсьменнiкаў, бардаў, фальклорных калектываў Маладзечанскага раёна, адкрыццё выстаўкi фалькларыстыкi "I зелень, i песнi, i кветкi..." народнага клуба аматараў фалькларыстыкi "Анюта" (г. Вiцебск).

7 лiпеня, у дзень нараджэння народнага паэта, у 13 гадзiн адбудзецца ўскладанне кветак да помнiка Янку Купалу ў Мiнску.

Таццяна Падаляк.