Ад вас залежыць будучае Айчыны!

Источник материала:

Дарагiя юнакi i дзяўчаты!

Сардэчна вiншую вас з Днём моладзi — святам юнацтва i надзей, смелых парыванняў i адкрыццяў, кахання i рамантыкi.

На ўсiх этапах развiцця краiны маладым людзям давяралi выконваць самыя адказныя задачы. Ад вас залежыць будучае Айчыны, захаванне яе гiсторыi i культуры, традыцый i звычаяў, памнажэнне эканамiчнага i iнтэлектуальнага патэнцыялу.

Дзяржава прадаставiла моладзi цудоўныя магчымасцi i перспектывы. Вы можаце атрымаць дастойную адукацыю, актыўна ўдзельнiчаць у працоўнай i грамадскай дзейнасцi, весцi здаровы лад жыцця. Галоўнае, не бойцеся цяжкасцяў, будзьце сумленнымi i справядлiвымi ў справах. Iдзiце наперад, i ў вас усё атрымаецца.

Сёння ваша энергiя, дапытлiвы розум i адукаванасць як нiколi запатрабаваны ў пабудове моцнай i квiтнеючай Беларусi.

Жадаю вам моцнага здароўя, шчасця, верных сяброў, поспехаў i выдатнага настрою.

Няхай збудуцца вашы мары i рэалiзуюцца самыя смелыя планы.

Прэзідэнт Рэспублікі Беларусь Аляксандр ЛУКАШЭНКА.