Разгромны канец вялікага шляху

Источник материала:

Вакол Еўра

Зборная Расii не змагла выйсцi ў паўфiнал чэмпiянату Еўропы па футболе. Турнiр для гэтай каманды скончыўся гэтак жа, як i пачаўся — з разгромнага паражэння ад Iспанii. На гэты раз 0:3. Аднак памiж гэтымi няўдачамi каманда прайшла вялiкi шлях, стаўшы адным з упрыгажэнняў турнiру.

У фiнале, якi адбудзецца 29 чэрвеня, Германiя згуляе з Iспанiяй. Матч пройдзе на стадыёне Эрнста Хапеля ў Вене. У гэтай сустрэчы не зможа прыняць удзел лепшы бамбардзiр турнiру iспанец Давiд Вiлья. Ён атрымаў траўму сцягна ў паўфiнальным матчы з Расiяй. У ноч з 26 на 27 чэрвеня прэзiдэнт Расiйскага футбольнага саюза Вiталь Мутко ўручыў бронзавыя медалi чэмпiянату Еўропы iгракам i членам трэнерскага штаба зборнай Расii. Цырымонiя ўзнагароджання адбылася ў рэстаране венскай гасцiнiцы Dаnubе Сitу. Прысутнiчаў уладальнiк лонданскага "Чэлсi" Раман Абрамовiч, якi фактычна фiнансуе кантракт галоўнага трэнера расiян Гуса Хiдынка. У гонар паспяховага выступлення галоўны трэнер дазволiў футбалiстам падняць па бакалу спiртнога.