...

Источник материала:

... Навальнiца, што прайшла над Вiцебскай вобласцю, стала прычынай гiбелi працаўнiка ЗАТ "Лiпаўцы" Вiцебскага раёна. Пастух 1965 года нараджэння загiнуў на полi каля вёскi Парацькава. Як мяркуецца, смерць наступiла падчас змотвання "электрапастуха". Таксама загiнулi 2 каровы.   У Магiлёве ўзбуджана крымiнальная справа ў дачыненнi да чатырох мясцовых жыхароў, якiя з выключным цынiзмам забiлi ў гарадскiм парку трох дзiкiх качак. Старэйшаму з чацвёркi — 46 гадоў, сярэдняму — 32, астатнiм — па 17, усе непрацуючыя. Яны забiвалi камянямi трох дзiкiх крыжанак, якiя пасялiлiся на вадаёме, на вачах у людзей, што адпачывалi каля рэчкi Дубравенка ў цэнтры горада. Работнiкi абласной iнспекцыi аховы жывёльнага i раслiннага свету сумесна з мiлiцыянерамi затрымалi парушальнiкаў грамадскага парадку. Паколькi здабыча вялася ў забароненым для палявання месцы, прычынены ўрон кожнай забiтай птушкi ўзрос утрая i склаў у суме Br3,15 млн.

У Жыткавiчах грузавiк ГАЗ, якiм кiраваў 19-гадовы хлопец, насмерць збiў 7-гадовага хлопчыка. Малы пагнаўся за кацянём i спрабаваў прабегчы перад самай машынай, але не паспеў. Яго зачапiла бамперам, дзiця загiнула. Па папярэднiх звестках, вадзiцель не меў права на кiраванне дадзенай катэгорыяй транспартных сродкаў. Ідзе следства.

Самарскi суд прыгаварыў жыхарку Самары, якая напала на супрацоўнiкаў ДIБДД, да трох гадоў умоўна i штрафу ў памеры 5 тыс. рублёў. Супрацоўнiкi iнспекцыi спынiлi яе за парушэнне правiлаў карыстання светлавымi прыборамi i выявiлi адсутнасць талона тэхагляду. Адзiн супрацоўнiк пачаў афармляць пратакол аб адмiнiстрацыйным правапарушэннi. А другi — здымаць заднiя нумары. Раззлаваная жанчына спачатку паспрабавала ўрэзацца сваiм аўтамабiлем ў машыну ДПС, а затым абмацюкала iнспектараў i прыцiснула запаленую цыгарэту да твару аднаго з iх.     ПОЎНЫ АБЗАЦ 74-гадовы жыхар Індыi Шыў Шаран зноў правалiў усе гадавыя школьныя экзамены, акрамя аднаго. Ён не здаў англiйскую, санскрыт, матэматыку i навукi i набраў патрэбную колькасць балаў толькi па хiндзi. Такiм чынам, ён завалiў экзамены ў 38-ы раз. У 1969 годзе яму споўнiлася 30 гадоў i ён пакляўся не жанiцца да той пары, пакуль не закончыць сярэднюю школу. З той пары фермер упарта спрабуе здаць неабходныя экзамены, але яшчэ нi адна спроба не скончылася поспехам. Стойкi i па-ранейшаму адзiнокi Шыў рыхтуецца да новай серыi тэсцiравання на наступны год.