Камунальнае вытворчае ўнiтарнае прадпрыемства "Слонiмскi драбiльна-сартавальны завод": айч

Источник материала:

Камунальнае вытворчае ўнiтарнае прадпрыемства "Слонiмскi драбiльна-сартавальны завод": айчыннаму будаўнiцтву — якасны пясок i шчэбень

КУП "Слонiмскi ДСЗ" — адзiн з асноўных пастаўшчыкоў нярудных будаўнiчых матэрыялаў для будаўнiчага комплексу Брэсцкай, Гродзенскай i Гомельскай абласцей.

Памятаеце, што яшчэ вялiкi рускi пiсьменнiк Мiкалай Гогаль высмейваў расiйскiя дарогi за вялiкую колькасць ям, выбаiн i ухабаў. Праўда, у тыя часы наўрад цi можна было весцi размову пра якаснае дарожнае пакрыццё без наяўнасцi адпаведных дарожна-будаўнiчых сумесяў. Пэўна, што Мiкалай Васiльевiч, як i прадстаўнiкi будаўнiчай галiны краiны, наўрад цi кiнуў бы камень у агарод Слонiмскага драбiльна-сартавальнага завода — аднаго з вядучых прадпрыемстваў прамысловасцi будаўнiчых матэрыялаў у Рэспублiцы Беларусь, якi сёлета адзначыць сваё 30-годдзе.

"Краiна, якая будуе, — жыве"... Менавiта ў гэтым слогане ў 70-я гады мiнулага стагоддзя хавалася сутнасць iнтэнсiўнага развiцця будаўнiчай галiны, дзякуючы чаму па ўсёй краiне з’яўлялiся новыя домабудаўнiчыя i сельскiя будаўнiчыя камбiнаты. Дзякуючы такiм модным павевам было прынята рашэнне аб будаўнiцтве "профiльнага" завода на Гродзеншчыне, асноўным вiдам дзейнасцi якога з’яўлялася б здабыча i перапрацоўка пясчана-гравiйнай сумесi з выпускам нярудных будаўнiчых матэрыялаў. Так у 1975 годзе на радовiшчы "Азярнiца" пачыналася бiяграфiя Слонiмскага драбiльна-сартавальнага завода.

Прайшло тры гады, калi завод выпусцiў першую прадукцыю: пясок, гравiй i шчэбень, якiя выкарыстоўвалiся ў будаўнiчым комплексе ў выглядзе запаўняльнiкаў пры вытворчасцi бетонных вырабаў, будаўнiчых раствораў, сухiх сумесяў, iдэальна падыходзiлi для ўстройства асноў i пакрыццяў аўтамабiльных дарог.

Паспяхова вырашаючы найважнейшыя задачы, прадпрыемства за адносна кароткi час дабiлася iстотных вынiкаў. Неаднаразовыя пераможцы рэспублiканскiх конкурсаў i раённых сацыялiстычных спаборнiцтваў, лаўрэаты Ганаровых грамат i ўладальнiкi грашовых прэмiй... Такi вытворчы ўзлёт назiраўся да пачатку 90-х гадоў, калi па вядомых прычынах адбыўся значны спад аб’ёмаў вытворчасцi прадукцыi, узнiклi праблемы са збытам прадукцыi. Праўда, дзякуючы вялiкай самааддачы працоўнага калектыву i правiльным дзеянням кiраўнiцтва завода прадпрыемству ўдалося ўстаяць на нагах i, пачынаючы з 2000 года, нарошчваць аб’ёмы вытворчасцi i рэалiзацыi прадукцыi.

Сёння завод — гэта сучаснае горнае прадпрыемства, аснашчанае высокапрадукцыйнай землярыйнай i пагрузачнай тэхнiкай. На КУП "Слонiмскi драбiльна-сартавальны завод" укаранёны прагрэсiўныя тэхналогii, якiя дазваляюць атрымлiваць прадукцыю, што адпавядае патрабаванням ДАСТа, ТУ i iншым тэхнiчным прававым актам.

За высокiя дасягненнi ў будаўнiчай галiне Беларусi ў 2007 годзе заводу прысуджаны дыплом у намiнацыi "Энергазберажэнне" ў катэгорыi "Арганiзацыя прамысловасцi будаўнiчых матэрыялаў".

Гэта цiкава...

КУП "Слонiмскi ДСЗ" вялiкую ўвагу надае ўмацаванню духу сапернiцтва, спаборнiцтва, навучанню прафесiйнаму майстэрству. На прадпрыемстве абсталявана Дошка гонару, на якую штогод заносяцца работнiкi, што дасягнулi высокiх паказчыкаў у працы, захаваннi працоўнага распарадку, знiжэннi затрат на вытворчасць прадукцыi па вынiках работы за год. Абмеркаванне аб занясеннi на Дошку гонару робiцца на агульным сходзе працоўнага калектыву. У мэтах матэрыяльнага заахвочвання перадавiкоў устаноўлены разавыя грашовыя выплаты ў памеры 10 базавых велiчынь

КУП "Слонiмскi ДСЗ" вялiкую ўвагу надае ўмацаванню духу сапернiцтва, спаборнiцтва, навучанню прафесiйнаму майстэрству. На прадпрыемстве абсталявана Дошка гонару, на якую штогод заносяцца работнiкi, што дасягнулi высокiх паказчыкаў у працы, захаваннi працоўнага распарадку, знiжэннi затрат на вытворчасць прадукцыi па вынiках работы за год. Абмеркаванне аб занясеннi на Дошку гонару робiцца на агульным сходзе працоўнага калектыву. У мэтах матэрыяльнага заахвочвання перадавiкоў устаноўлены разавыя грашовыя выплаты ў памеры 10 базавых велiчынь

КУП "Слонiмскi ДСЗ" клапоцiцца аб дзецях сваiх работнiкаў: iх аздараўленне ў дзiцячых аздараўленчых лагерах адбываецца за кошт прадпрыемства. Пэўную сацыяльную абарону адчуваюць на сабе пенсiянеры — былыя работнiкi завода

КУП "Слонiмскi ДСЗ" клапоцiцца аб дзецях сваiх работнiкаў: iх аздараўленне ў дзiцячых аздараўленчых лагерах адбываецца за кошт прадпрыемства. Пэўную сацыяльную абарону адчуваюць на сабе пенсiянеры — былыя работнiкi завода

На прадпрыемстве належным чынам прапагандуецца здаровы лад жыцця, падтрымлiваюцца цесныя шэфскiя сувязi з многiмi арганiзацыямi i школамi

На прадпрыемстве належным чынам прапагандуецца здаровы лад жыцця, падтрымлiваюцца цесныя шэфскiя сувязi з многiмi арганiзацыямi i школамi Лiчбы сведчаць

За час сваёй дзейнасцi прадпрыемства вырабiла 11,3 млн куб.м нярудных будаўнiчых матэрыялаў, з якiх можна зрабiць 14 млн куб.м жалезабетонных канструкцый для будаўнiцтва 12 млн кв.м агульнай плошчай жылля i iншых сацыяльна значных аб’ектаў у Рэспублiцы Беларусь. На прадпрыемстве пашыраецца наменклатура выпускаемай прадукцыi.

Асноўны патэнцыял прадпрыемства сканцэнтраваны на бесперапынны пошук i ўкараненне перадавых тэхналогiй па перапрацоўцы пясчана-гравiйнай сумесi з мэтай атрымання гатовай прадукцыi высокай якасцi. Для гэтага прадпрыемства пастаянна накiроўвае сродкi на развiццё ўласнай матэрыяльна-тэхнiчнай базы.

Палiтыка цэнаўтварэння КУП "Слонiмскi ДСЗ" накiравана на падтрымку аптымальнага спалучэння цаны i якасцi прадукцыi. Невысокi ўзровень цэнаў i высокая якасць робяць яе канкурэнтаздольнай на рынку нярудных будаўнiчых матэрыялаў, што з’яўляецца прываблiвым для пакупнiкоў.

На парозе 30-гадовага юбiлею КУП "Слонiмскi ДСЗ" дасягнуў высокiх тэхнiка-эканамiчных паказчыкаў, працуе эфектыўна, захоўваючы стабiльнасць, што дазваляе работнiкам выплачваць дастойную зарплату.

Нашы рэквiзiты:

Рэспублiка Беларусь, Гродзенская вобласць, 231807, Слонiмскi раён, п/а Азярнiца.

тэл. 8 (01562) 93 3 40; 93 3 25

УНП 500054354   Матэрыялы падрыхтавалі Уладзімір ЗДАНОВІЧ. Фота Яўгена ПЯСЕЦКАГА і з архіва прадпрыемства.