Адкрытае акцыянернае таварыства "Слонiммэбля": дасканаласцi няма межаў

Источник материала:

Гiстарычныя старонкi слонiмскага прадпрыемства па выпуску мэблi мала чым адрознiваюцца ад сваiх калег па цэху. Усё пачыналася з элементарнай i надзвычай простай вытворчасцi. Напрыклад, бiяграфiя сённяшнiх слонiмскiх мэбельшчыкаў непарыўна звязана ўжо з далёкiм 1939 годам, калi на базе завода па перапрацоўцы скур была ўтворана арцель пад няхiтрай назвай "Чырвоны столяр", пад дахам якой сабралася паўсотнi столяраў-прыватнiкаў. Напачатку асартымент не вызначаўся адмысловасцю — уручную выраблялiся фарбаваныя шафы, кухонныя сталы, тапчаны, клешнi да хамутоў. Толькi ў пасляваенныя гады арцель пачала iнтэнсiўна развiвацца. Тут з’явiлiся паравая машына, фуганак, фрэзер, вiнтавы прэс. На канвееры асартымент стаў значна больш багатым. Сярод нешматлiкiх вырабаў выдзялялiся шафы для сукенак i бялiзны, аблiцаваныя шпонам. Набыла папулярнасць заказная мэбля, што сведчыла аб з’яўленнi ў людзей цягi да прыгожага. Далейшае развiццё было звязана з пабудовай новага вытворчага корпуса, закупка новага абсталявання i ўкараненнем перадавых тэхналогiй. Як жыццё кожнага з нас складаецца з чорных i белых палос, такiм жа паласатым можна лiчыць бiяграфiю слонiмскай мэблевай фабрыкi. На фоне росту вытворчых паказчыкаў адбывалiся падзеi, што ў першую чаргу было звязана з пераломнымi падзеямi ў грамадска-палiтычным жыццi дзяржавы.

Прамень сонца зазiрнуў на прадпрыемства ў 1998 годзе, калi яно было пераўтворана ў адкрытае акцыянернае таварыства i справы быццам бы пайшлi на лад. Праўда, некалькiмi гадамi пазней зноў адбыўся глыбокi эканамiчны спад, якi быў выклiканы рэзкiм падзеннем попыту на прадукцыю, што выпускалася на прадпрыемстве. Неабходна было тэрмiнова выпрацоўваць новую стратэгiю развiцця, арыентаваную выключна на рынак. Пераломны момант у жыццi прадпрыемства — жнiвень 2001 года, калi працоўны калектыў узначалiў Анатоль ЖУК, якi змог не толькi вывесцi фабрыку з крызiсу, але i надаць ёй станоўчую дынамiку ў развiццi.

Для аддзелкi мэблi прымяняюцца як шырока распаўсюджаныя нiтрацэлюлозныя лакафарбавыя матэрыялы, так i полiўрэтанавыя лакi. Магчымасць калеравання паверхневых фарбаў i выбар аддзелачных матэрыялаў з рознымi ступенямi глянцу дазваляюць атрымаць разнастайную аддзелку.

Сярод навiнак прадпрыемства — наборы мэблi для спальнi "Вікторыя-3Д1", "Сабрына-1Д1", "Караліна-2Д2", наборы корпуснай мэблi "Слонiм-5Д1", якiя маюць адносна невысокую цану, дэмакратычныя ў сваiм выкананнi i арыентаваныя на масавага пакупнiка.

Наборы мэблi для спальнi "Камелiя-9Д1", "Марыяна-32Д4", наборы корпуснай мэблi "Альтаiр" утрымлiваюць дэмакратычныя i канструктыўныя элементы з мастацкiм афармленнем паверхнi. Таксама ўлiчаны густы i спажыўцоў, для якiх стыль, форма, эстэтычныя вартасцi адыгрываюць першародную ролю i цэняцца даволi высока. Да такой прадукцыi адносiцца мэбля для спальнi "Іяланта-1Д1", "Патрысiя-1Д1", "Шчара-21Д1", а таксама серыя вырабаў для агульнага пакоя "Оскар-1Д2".

За апошнi час на прадпрыемстве праведзена шмат работы па павышэннi тэхнiчнага ўзроўню вытворчасцi, укараненнi прагрэсiўных i рэсурсазберагальных тэхналогiй, у тым лiку i ў рамках праграмы якасцi "Таварыства".

Праведзены шэраг мерапрыемстваў па энергазберажэннi.

Сёлета ў жыццядзейнасцi прадпрыемства ў рамках праграмы энергазберажэння адбылася вельмi важная для фабрыкi падзея — у строй быў уведзены вадагрэйны кацёл магутнасцю 3 МВт на мясцовых вiдах палiва ўзамен паравых катлоў на прыродным газе. Гэтыя i iншыя захады дазволiлi значна знiзiць долю цеплаэнергетычных рэсурсаў у сабекошце прадукцыi.

Рэспублiка Беларусь, 231800, Гродзенская вобласць, г. Слонiм, вул. Гандлёвая, 9.

Аддзел маркетынгу i збыту:тэл. 8 (01562) 2 58 89, 2 38 27, 2 48 28;е-mаil: slоnimmеbеl@list.ru