Ад грыпу памрэ да 50 мільёнаў?

Источник материала:

Ад грыпу памрэ да 50 мільёнаў? Брытанцы апублiкавалi даклад, у якiм утрымлiваюцца трывожныя звесткi: па-першае, наступная эпiдэмiя грыпу непазбежная, а па-другое, яна стане адной з самых маштабных. Паводле папярэднiх ацэнак, ахвярамi могуць стаць да 50 мiльёнаў чалавек.   Палохаюць i наступствы эпiдэмii: сацыяльна-эканамiчныя ўзрушэннi абяцаюць быць вельмi i вельмi маштабнымi. Нягледзячы на тое, што ў ахове здароўя за апошнiя дзесяцiгоддзi дасягнуты небывалы прагрэс, глабальнае пацяпленне i змена ладу жыцця людзей зрабiлi сваю чорную справу: у свеце ўсё часцей з’яўляюцца новыя iнфекцыi. Акрамя таго, распаўсюджванню захворванняў спрыяюць жывёлы, прычым нярэдка — хатнiя. Каб прадухiлiць пераможнае шэсце грыпу па планеце, камiтэт палаты лордаў выступiў з заклiкам стварыць спецыялiзаваную мiжнародную сiстэму, якая адсочвала б ход захворвання ў краiнах, якiя развiваюцца. Па меркаваннi iнiцыятараў, гэта дапаможа аператыўна рэагаваць у тых выпадках, калi грып пачне праяўляць сябе ў развiтых дзяржавах. Найбольшую асцярогу цяпер выклiкаюць дзве разнавiднасцi захворвання: "iспанка" i птушыны грып. Апошнi нагадаў аб сабе ў пачатку 2007 г.: у Японii была зафiксаваная новая ўспышка птушынага грыпу. Так, на адной з фермаў прэфектуры Мiядзакi ад штаму H5N1 загiнулi каля 4 тыс. курэй, а яшчэ 8 тыс. хворых птушак было вырашана знiшчыць. Сталiцу Інданезii Джакарту птушыны грып таксама не пашкадаваў: ад хваробы памерлi два чалавекi, а гарадскiя бальнiцы перапоўнiлiся хворымi з сiмптомамi, характэрнымi для гэтага смяротна небяспечнага захворвання. Усяго ж з пачатку 2007 г. вiрус H5N1 панёс жыццi чатырох iнданезiйцаў, а агульная колькасць ахвяраў гэтага вiруса дасягнула 61 чалавека. Ачаг захворвання быў выяўлены i ў суседнiм з Iнданезiяй Тайландзе: Мiнiстэрства сельскай гаспадаркi гэтай краiны паведамiла аб тым, што на адной з фермаў у паўночнай правiнцыi загiнулi каля сотнi птушак. У мэтах засцярогi мясцовыя ўлады знiшчылi 1900 качак на прылеглых да яе тэрыторыях.