Кандуктар, якая выпала з аўтобуса, памерла ў бальніцы

Источник материала:

Кандуктар, якая выпала з аўтобуса, памерла ў бальніцы У цяжкiм стане яна трапiла ў рэанiмацыйнае аддзяленне абласной клiнiчнай бальнiцы. А здарылася гэта ў Гомелi ў аўтобусе, што ходзiць па трэцiм маршруце. Выдаючы бiлет чарговаму пасажыру i не трымаючыся пры гэтым за поручнi, калi аўтобус рабiў паварот з адной вулiцы на другую, кандуктар страцiла раўнавагу i яе кiнула спiнай на дзверы, якiя нечакана адчынiлiся. Жанчына моцна ўдарылася аб асфальт.   — Калi яе даставiлi ў бальнiцу, — расказвае намеснiк галоўнага ўрача гэтай установы Аляксандр Шукайлаў, — урачы змагалiся за яе жыццё, хоць сiтуацыя была безнадзейнай. Жанчына так i не прыйшла ў прытомнасць. Трэба заўважыць, што гэта першы такi выпадак у рабоце транспартнiкаў вобласцi. Таму вядзецца расследаванне: чаму так здарылася, чаму не вытрымалi дзверы? З кандуктарамi ўсiх аўтобусаў горада праведзены дадатковы iнструктаж.

Уладзiмiр ПЕРНІКАЎ.