Студэнтаў лiчаць па балах

Источник материала:

Сярод гуманiтарных спецыяльнасцяў самы высокi прахадны бал — 344 — зафiксаваны на спецыяльнасцi "iнфармацыя i камунiкацыя" факультэта фiласофii i сацыяльных навук, такi ж прахадны бал дазволiў стаць студэнтамi абiтурыентам, якiя падавалi дакументы на спецыяльнасць "сусветная эканомiка". Сярод прыродазнаўчанавуковых спецыяльнасцяў самы высокi прахадны бал — 352 — на спецыяльнасцi "камп’ютарная бяспека" факультэта прыкладной матэматыкi i iнфарматыкi.

Трэба адзначыць, што сярэднi бал атэстата абiтурыентаў БДУ павысiўся ў параўнаннi з мiнулым годам з 8,2 да 8,5.

У Беларускiм дзяржаўным унiверсiтэце iнфарматыкi i радыёэлектронiкi на 900 бюджэтных месцаў на шэсць факультэтаў конкурс склаў у сярэднiм 2 чалавекi на месца. Прахадныя балы значна вышэйшыя за мiнулагоднiя. На факультэце "Камп’ютарныя сiстэмы i сеткi" — звыш 300, а на спецыяльнасцi "Інфарматыка" i "Праграмнае забеспячэнне iнфармацыйных тэхналогiй" — звыш 340 балаў.

У Беларускiм аграрным тэхнiчным унiверсiтэце на аграмеханiчным факультэце праходзяць у склад студэнтаў абiтурыенты з баламi звыш 160 (гарадскi конкурс) i звыш 140 (сельскi). А на аграэнергетычным факультэце ў конкурсе сярод абiтурыентаў з горада i вёскi ўзялi ўдзел толькi тыя юнакi i дзяўчаты, якiя набралi больш за 170 балаў. На факультэце "Прадпрымальнiцтва i кiраванне" прахадны бал склаў сярод абiтурыентаў з горада — прыкладна 160, а сельскай мясцовасцi — 140.