Адным кандыдытам больш

Источник материала:

Адным кандыдытам больш Цэнтрвыбаркам задаволіў скаргу грамадзянiна, чыя iнiцыятыўная група не была зарэгiстраваная   Цэнтральная камiсiя вызначылася з парадкам выступлення ў СМІ кандыдатаў у дэпутаты. Учора падчас пасяджэння была прынятая адпаведная пастанова. Паводле яе прэтэндэнт на дэпутацкi мандат зможа апублiкаваць сваю перадвыбарную праграму ў адной з прапанаваных рэспублiканскiх газет (вядома ж "Звязда", "Народная газета", "Рэспублiка", "Беларуская нiва"), а таксама ў абласным i раённых выданнях, якiя распаўсюджваюцца на тэрыторыi яго выбарчай акругi. Устаноўленыя таксама канкрэтныя тэрмiны падачы тэксту ў рэдакцыю i яго памеры. Так аб’ём друкаванага тэксту не павiнен перавышаць чатырох тысяч знакаў з прабеламi, а прадаставiць яго ў рэдакцыю — не пазней за сёмага верасня. Пры гэтым кандыдат абавязаны звярнуцца ў рэдакцыю пiсьмова за два дні да публiкацыi i паведамiць аб гэтым ЦВК.

Цэнтральная камiсiя прадстаўляе кандыдатам таксама бясплатны эфiрны час на радыё i тэлебачаннi. Тут свае правiлы: кандыдаты, зарэгiстраваныя ў сталiцы i на Мiншчыне, атрымаюць эфiрны час на радыёстанцыi "Сталiца", астатнiя ж — на абласных тэлерадыёкампанiях. Сталiчныя кандыдаты выступяць у эфiры тэлеканала "Лад", а прэтэндэнты ад Мiнскай вобласцi — па СТБ.

Для разгляду ў Цэнтрвыбаркам былi накiраваныя дзевяць скаргаў ад грамадзян, чые iнiцыятыўныя групы не былi зарэгiстраваныя акруговымi камiсiямi.

— Шэсць з iх былi складзеныя з парушэннямi патрабаванняў выбарчага заканадаўства, — паведамiў сакратар ЦВК Мiкалай Лазавiк. — Яны былi пададзеныя цi не ў тэрмiн, цi без подпiсаў членаў iнiцыятыўнай групы. Такiя скаргi мы пакiнулi без разгляду. Астатнiя ж тры былi разгледжаны па сутнасцi. У двух выпадках мы пакiнулi рашэнне акруговай камiсii без змяненняў, а ў адным — зарэгiстравалi iнiцыятыўную групу. У апошнiм згаданым выпадку акруговая камiсiя палiчыла, што адрас заяўнiка быў указаны няправiльна, аднак Цэнтральнай камiсiяй устаноўлена, што пытанне з прапiскай гэтага грамадзянiна зараз вырашаецца. Таму яна палiчыла магчымым яго скаргу задаволiць. Так што цяпер зарэгiстраваных у краiне iнiцыятыўных груп не 423, а 424.

Ала МАЧАЛАВА.