Закон Рэспублiкi Беларусь

Источник материала:

Савет Мiнiстраў Рэспублiкi Беларусь — Урад Рэспублiкi Беларусь з’яўляецца калегiяльным цэнтральным органам дзяржаўнага кiравання Рэспублiкi Беларусь, якi ажыццяўляе ў адпаведнасцi з Канстытуцыяй Рэспублiкi Беларусь выканаўчую ўладу ў Рэспублiцы Беларусь i кiраўнiцтва сiстэмай падпарадкаваных яму рэспублiканскiх органаў дзяржаўнага кiравання i iншых дзяржаўных арганiзацый, а таксама мясцовых выканаўчых i распарадчых органаў.

Савет Мiнiстраў Рэспублiкi Беларусь у сваёй дзейнасцi падсправаздачны Прэзiдэнту Рэспублiкi Беларусь i адказны перад Нацыянальным сходам Рэспублiкi Беларусь.

Савет Мiнiстраў Рэспублiкi Беларусь па меры неабходнасцi, але не радзей чым адзiн раз у квартал прадстаўляе Прэзiдэнту Рэспублiкi Беларусь справаздачу аб сваёй дзейнасцi.

Савет Мiнiстраў Рэспублiкi Беларусь у межах сваёй кампетэнцыi забяспечвае выкананне Канстытуцыi Рэспублiкi Беларусь, законаў Рэспублiкi Беларусь, актаў Прэзiдэнта Рэспублiкi Беларусь, ажыццяўляе кантроль за iх выкананнем падпарадкаванымi яму рэспублiканскiмi органамi дзяржаўнага кiравання i iншымi дзяржаўнымi арганiзацыямi, а таксама мясцовымi выканаўчымi i распарадчымi органамi, фiзiчнымi асобамi i арганiзацыямi.

У склад Савета Мiнiстраў Рэспублiкi Беларусь уваходзяць Прэм’ер-мiнiстр Рэспублiкi Беларусь, Кiраўнiк Адмiнiстрацыi Прэзiдэнта Рэспублiкi Беларусь, Старшыня Камiтэта дзяржаўнага кантролю Рэспублiкi Беларусь, Старшыня Праўлення Нацыянальнага банка Рэспублiкi Беларусь, намеснiкi Прэм’ер-мiнiстра Рэспублiкi Беларусь, мiнiстры, старшынi дзяржаўных камiтэтаў, Кiраўнiк Апарата Савета Мiнiстраў Рэспублiкi Беларусь, Старшыня Прэзiдыума Нацыянальнай акадэмii навук Беларусi, Старшыня Праўлення Беларускага рэспублiканскага саюза спажывецкiх таварыстваў i iншыя службовыя асобы па рашэннi Прэзiдэнта Рэспублiкi Беларусь.

Прэм’ер-мiнiстр Рэспублiкi Беларусь назначаецца Прэзiдэнтам Рэспублiкi Беларусь са згоды Палаты прадстаўнiкоў Нацыянальнага сходу Рэспублiкi Беларусь.

Намеснiкi Прэм’ер-мiнiстра Рэспублiкi Беларусь, мiнiстры, старшынi дзяржаўных камiтэтаў назначаюцца Прэзiдэнтам Рэспублiкi Беларусь.

Прэм’ер-мiнiстр Рэспублiкi Беларусь у адпаведнасцi з Канстытуцыяй Рэспублiкi Беларусь, законамi Рэспублiкi Беларусь, актамi Прэзiдэнта Рэспублiкi Беларусь:

ажыццяўляе непасрэднае кiраванне дзейнасцю Савета Мiнiстраў Рэспублiкi Беларусь i нясе персанальную адказнасць за яго работу;

арганiзуе работу Савета Мiнiстраў Рэспублiкi Беларусь, кiруе яго пасяджэннямi;

падпiсвае пастановы Савета Мiнiстраў Рэспублiкi Беларусь;

выдае распараджэннi;

у двухмесячны тэрмiн пасля свайго назначэння прадстаўляе Палаце прадстаўнiкоў Нацыянальнага сходу Рэспублiкi Беларусь праграму дзейнасцi Савета Мiнiстраў Рэспублiкi Беларусь, а ў выпадку яе адхiлення прадстаўляе паўторную праграму дзейнасцi Савета Мiнiстраў Рэспублiкi Беларусь на працягу двух месяцаў;

iнфармуе Прэзiдэнта Рэспублiкi Беларусь аб асноўных накiрунках дзейнасцi Савета Мiнiстраў Рэспублiкi Беларусь i аб усiх важнейшых яго рашэннях;

размяркоўвае абавязкi памiж намеснiкамi Прэм’ер-мiнiстра Рэспублiкi Беларусь, каардынуе iх дзейнасць;

прадстаўляе без дадатковых паўнамоцтваў Савет Мiнiстраў Рэспублiкi Беларусь у мiжнародных адносiнах, ва ўстаноўленым парадку праводзiць перагаворы i падпiсвае мiжнародныя дагаворы;

ажыццяўляе паўнамоцтвы Прэзiдэнта Рэспублiкi Беларусь у выпадку вакансii пасады Прэзiдэнта або немагчымасцi выканання iм сваiх абавязкаў па прычынах, прадугледжаных Канстытуцыяй Рэспублiкi Беларусь, да прынясення Прысягi зноў выбраным Прэзiдэнтам Рэспублiкi Беларусь;

выконвае iншыя функцыi, звязаныя з арганiзацыяй i дзейнасцю Савета Мiнiстраў Рэспублiкi Беларусь.

Гарантыi прававой i сацыяльнай абароны Прэм’ер-мiнiстра Рэспублiкi Беларусь вызначаюцца заканадаўствам Рэспублiкi Беларусь.

Намеснiкi Прэм’ер-мiнiстра Рэспублiкi Беларусь у адпаведнасцi з размеркаваннем абавязкаў:

ажыццяўляюць каардынацыю дзейнасцi рэспублiканскiх органаў дзяржаўнага кiравання i iншых дзяржаўных арганiзацый, падпарадкаваных Савету Мiнiстраў Рэспублiкi Беларусь, кантроль за iх работай i даюць iм указаннi па забеспячэннi выканання Канстытуцыi Рэспублiкi Беларусь, законаў Рэспублiкi Беларусь, актаў Прэзiдэнта Рэспублiкi Беларусь, пастаноў Савета Мiнiстраў Рэспублiкi Беларусь, распараджэнняў Прэм’ер-мiнiстра Рэспублiкi Беларусь i па iншых пытаннях iх дзейнасцi;

папярэдне разглядаюць прапановы i праекты дакументаў, унесеныя ў Савет Мiнiстраў Рэспублiкi Беларусь;

нясуць адказнасць за стан спраў у галiнах эканомiкi i сферах дзейнасцi;

выконваюць iншыя абавязкi ў адпаведнасцi з гэтым Законам i iншымi актамi заканадаўства Рэспублiкi Беларусь.

Выкананне абавязкаў Прэм’ер-мiнiстра Рэспублiкi Беларусь у выпадку яго адсутнасцi ажыццяўляецца Першым намеснiкам Прэм’ер-мiнiстра Рэспублiкi Беларусь, а ў выпадку адсутнасцi Прэм’ер-мiнiстра Рэспублiкi Беларусь i Першага намеснiка Прэм’ер-мiнiстра Рэспублiкi Беларусь — Намеснiкам Прэм’ер-мiнiстра Рэспублiкi Беларусь, у распараджэннi якога знаходзяцца пытаннi эканомiкi.

Гарантыi прававой i сацыяльнай абароны намеснiкаў Прэм’ер-мiнiстра Рэспублiкi Беларусь вызначаюцца заканадаўствам Рэспублiкi Беларусь.

Iншыя члены Савета Мiнiстраў Рэспублiкi Беларусь:

нясуць адказнасць за стан спраў у даручанай iм сферы дзейнасцi;

прымаюць удзел у разглядзе пытанняў на пасяджэннях Савета Мiнiстраў Рэспублiкi Беларусь;

маюць права ўносiць у Савет Мiнiстраў Рэспублiкi Беларусь прапановы аб разглядзе пытанняў, якiя ўваходзяць у яго кампетэнцыю;

iнiцыююць распрацоўку праектаў законаў Рэспублiкi Беларусь, актаў Прэзiдэнта Рэспублiкi Беларусь, пастаноў Савета Мiнiстраў Рэспублiкi Беларусь, распараджэнняў Прэм’ер-мiнiстра Рэспублiкi Беларусь.

Гарантыi прававой i сацыяльнай абароны iншых членаў Савета Мiнiстраў Рэспублiкi Беларусь вызначаюцца заканадаўствам Рэспублiкi Беларусь.

Прававы статус мiнiстраў i старшыняў дзяржаўных камiтэтаў вызначаецца Прэзiдэнтам Рэспублiкi Беларусь.