Хроніка апошніх падзей

Источник материала:

Вайна ў Паўднёвай Асецii

У ноч на 8 жнiўня грузiна-асецiнскае супрацьстаянне перарасло ў поўнамаштабны ваенны канфлiкт. Грузiнскiя ўлады заявiлi, што "сепаратысты не выконваюць рэжым спынення агню", i абвясцiлi пра пачатак "аперацыi па аднаўленнi канстытуцыйнага парадку" ў рэгiёне.

Для ўдараў па паўднёваасецiнскiх пазiцыях была задзейнiчана грузiнская авiяцыя. Да сярэдзiны дня 8 жнiўня грузiнскiя войскi занялi цэнтр Цхiнвалi. Саўбез ААН, якi сабраўся па патрабаваннi Расii, адмовiўся асудзiць Грузiю. Каля 15:00, амаль адначасова з апублiкаваннем заявы прэзiдэнта Расii Дзмiтрыя Мядзведзева аб намеры пакараць вiнаватых у гiбелi расiйскiх грамадзян, у Паўднёвую Асецiю ўвайшлi каля 150 расiйскiх танкаў i бронетранспарцёраў. Расiйская авiяцыя пачала бамбiць грузiнскiя пазiцыi. Грузiнскiя войскi пакiнулi Цхiнвалi.

Асада Цхiнвалi грузiнскiмi войскамi працягвалася амаль 12 гадзiн. У вынiку артабстрэлаў, авiяналётаў i вулiчных баёў знiшчаны бальнiца i iншыя аб’екты iнфраструктуры, падарваны газаправод. У Цхiнвалi ўвайшла калона расiйскiх танкаў, асецiнскiм апалчэнцам удалося адцiснуць грузiнскае войска са сталiцы непрызнанай рэспублiкi. Нягледзячы на спыненне агню ў сталiцы Паўднёвай Асецii, дакладных дадзеных аб стратах сярод асецiнскiх войскаў, мiратворцаў i мiрнага насельнiцтва пакуль няма. Горад практычна цалкам разбураны, адключана электрычнасць i не хапае вады, не працуе стацыянарная тэлефонная сувязь. Мабiльная сувязь таксама хутка спынiць працу, бо зараджаць сотавыя тэлефоны няма дзе.

У Чэхii цягнiк урэзаўся ў мост, якi абрынуўся

Дзесяць чалавек загiнулi i не менш за сто пацярпелi ў вынiку буйной чыгуначнай катастрофы, якая адбылася 8 жнiўня ў Чэхii.

Паведамляецца, што цягнiк, што рухаўся з польскага Кракава ў Прагу, урэзаўся ў мост, якi абрынуўся.. Аварыя адбылася каля 10.30 па мясцовым часе. Лакаматыў i тры вагоны ўрэзалiся ў рэшткi моста на хуткасцi каля 140 кiламетраў у гадзiну.

Прадстаўнiк чэшскай чыгункi ацанiў урон ад катастрофы як вельмi высокi.

Рэканструкцыя моста пачалася ў красавiку i павiнна была скончыцца ў кастрычнiку 2008 гада.

Амерыканец прызнаўся ў забойстве ў абмен на пiцу

Жыхар Нью-Ёрка прызнаў сябе вiнаватым у забойстве ў абмен на сваю любiмую ежу. 33-гадовы Трымейн Дзюрэм, арыштаваны ў 2006 годзе, настолькi стамiўся ад турэмнай ежы, што пагадзiўся даць прызнальныя паказаннi, калi яму зменяць рацыён.

У вынiку гэтай своеасаблiвай здзелкi са следствам зняволены атрымаў пiцу, марожанае, смажанае кураня, салату з капусты, бульбяное пюрэ i маркоўны пiрог.

Як устанавiла следства, у чэрвенi 2006 года Дзюрэм застрэлiў супрацоўнiка кампанii, якой прадаў аптовую партыю марожанага. Прычынай канфлiкту стала тое, што прадавец захацеў адмянiць здзелку, аднак пакупнiкi не пагадзiлiся вярнуць тавар. Удакладняецца, што Дзюрэм шукаў кiраўнiка кампанii, а супрацоўнiк, якi загiнуў, трапiў яму пад гарачую руку. Суд прысудзiў яго да пажыццёвага зняволення. У той жа дзень Дзюрэм ажанiўся на 48-гадовай жыхарцы Нью-Ёорка. Наяўнасць сям’i дазволiць яму праз 30 гадоў прасiць аб умоўна-датэрмiновым вызваленнi. Пракурор, якi вёў справу Дзюрэма, выказаў задавальненне здзелкай, заключанай з абвiнавачваным. На думку юрыста, чыстасардэчнае прызнанне злачынцы пазбавiла суд ад неабходнасцi разглядаць магчымыя апеляцыi на прыгавор.