Брытанец насмерць атруціўся вадой

Источник материала:

44-гадовы жыхар Вялiкабрытанii Эндру Торнтан памёр пасля таго, як выпiў каля 10 лiтраў вады на працягу 8 гадзiн. Торнтан пакутаваў ад хранiчнага запалення дзяснаў i ў велiзарных колькасцях пiў ледзяную ваду, каб суняць боль, паколькi баяўся прымаць абязбольвальныя.

Мужчына адчуў нядужанне i быў дастаўлены ў бальнiцу. Паколькi ў хворага назiралася парушэнне каардынацыi рухаў i ён з цяжкасцю размаўляў, урачы вырашылi, што ён п’яны, аднак алкаголю ў яго крывi выяўлена не было.

Як высветлiлася, усе сiмптомы былi выклiканыя парушэннем балансу электралiтаў у тканках мозга з прычыны воднай iнтаксiкацыi. Непасрэдна перад шпiталiзацыяй Торнтан выпiў каля 10 лiтраў ледзяной вады. Прыблiзна гэтулькi ж выпiваў на працягу папярэднiх двух дзён.

Медыкi паспрабавалi выратаваць мужчыну, уводзячы яму канцэнтраваны солевы раствор, аднак праз суткi хворы памёр, бо спынiлася сэрца.

Водная iнтаксiкацыя (атручванне) — парушэнне водна-солевага абмену ў арганiзме, выклiканае лiшкам вады. Першыя прыкметы атручвання вадой — галавакружэнне i ванiты, пры адсутнасцi лячэння магчымы смяротны зыход. Часцей за ўсё ахвярамi воднага атручвання становяцца прафесiйныя спартсмены, напрыклад, бегуны-марафонцы, якiя ў вялiкiх колькасцях п’юць ваду падчас забегаў.