Пашыраны пералік абсталявання, пры ўвозе якога ў Беларусь прадастаўляецца растэрмiноўка выплаты ПДВ

Источник материала:

Пашыраны пералiк тэхналагiчнага абсталявання, пры ўвозе якога ў Беларусь прадастаўляецца растэрмiноўка выплаты падатку на дабаўленую вартасць.

У яго, у прыватнасцi, уключаны машыны, абсталяванне, механiзмы, агрэгаты, устаноўкi, апараты, прыборы або ўстройствы, часткi да iх, а таксама рэзервуары i ёмiстасцi з чорных металаў, адносна якiх устаноўлена стаўка ўвазной мытнай пошлiны нуль працэнтаў. Адпаведны дэкрэт № 18 Прэзiдэнт Беларусi падпiсаў 26 жнiўня. Дакументам унесена змяненне ў дэкрэт ад 13 чэрвеня 2001 года № 16 "Аб прадастаўленнi растэрмiноўкi выплаты падатку на дабаўленую вартасць пры ўвозе на мытную тэрыторыю Рэспублiкi Беларусь тэхналагiчнага абсталявання i запасных частак да яго".

Пры ўвозе на мытную тэрыторыю Беларусi тэхналагiчнага абсталявання i запасных частак да яго, адносна якiх у адпаведнасцi з заканадаўчымi актамi прымяняецца стаўка ўвазной мытнай пошлiны нуль працэнтаў, арганiзацыям i iндывiдуальным прадпрымальнiкам прадастаўляецца растэрмiноўка выплаты ПДВ на год з выплатай штомесяц 1/12 часткi сумы падатку, што падлягае выплаце.

Растэрмiноўка адносна тэхналагiчнага абсталявання i запасных частак да яго прадастаўляецца без спагнання працэнтаў i без забеспячэння выплаты падатку на дабаўленую вартасць (за выключэннем увозу з Расiйскай Федэрацыi).

У выпадку далейшага перапродажу рэзiдэнту Беларусi тавараў, адносна якiх была прадастаўлена растэрмiноўка выплаты ПДВ, уся сума ПДВ, за вылiкам раней выплачаных iмпарцёрам тавараў сум падатку, падлягае выплаце падатковым органам Беларусi.

Дэкрэт уступае ў сiлу з дня яго афiцыйнага апублiкавання, з’яўляецца часовым i прадстаўляецца на разгляд Нацыянальнага сходу.

Прэс-служба Прэзiдэнта Рэспублiкi Беларусь.