Iнфарм-укол

Источник материала:

Бясплоднасць з-за хворых дзяснаў?

Пілотнае даследаванне, праведзенае ў адной iзраiльскай бальнiцы, выявiла магчымую сувязь памiж бактэрыямi, якiя выклiкаюць захворваннi дзяснаў i знiжэннем здольнасцi да размнажэння ў мужчын.

Паводле вынiкаў даследавання, у 65 працэнтаў мужчын з нездавальняючымi паказчыкамi спермаграмы, былi выяўлены хваробы дзяснаў. Праўда, аказалася, што амаль у паловы мужчын з нармальнымi паказчыкамi спермы былi выяўлены тыя ж праблемы з дзяснамi. Спецыялiсты кажуць, што бясплоднасць можа быць выклiкана 500 вiдамi бактэрый, якiя знаходзяцца ў ротавай поласцi, i здольны пранiкаць у крывяносную сiстэму, адкуль наносiць шкоду самым розным органам. Даследаванне паказала, што ў 50 працэнтаў мужчын семявая вадкасць якiх не ўтрымлiвае сперматазоiдаў, мае быць хранiчная хвароба дзяснаў, а бактэрыi, якiя выклiкаюць гэту праблему, былi знойдзены i ў семявай вадкасцi.

Хвароба нырак i хiстанне вагi

Дадатковыя кiлаграмы небяспечныя нават для здаровых людзей з нармальнай вагой: павелiчэнне масы цела ў дапушчальных межах можа развiць хранiчную ныркавую хваробу.

Паўднёвакарэйскiя спецыялiсты прыйшлi да такой высновы пасля аналiзу вынiкаў даследавання фактараў рызыкi для захваральнасцi нырак сярод людзей, якiя не мелi вялiкiх праблем са здароўем. Мужчыны, якiя папраўлялiся больш як на 750 грамаў штогод, мелi самую высокую рызыку ныркавай дысфункцыi. Тыя, чыя вага змянялася мiнiмальна ў межах каля 250 грамаў, у меншай ступенi пакутавалi ад ныркавых расстройстваў, але ўсё ж такi рызыка i для гэтай групы заставалася значнай. Медыкi ўпэўненыя, што хiстаннi вагi пагражаюць праблемамi са здароўем людзям любой камплекцыi.

Гарачэй клiмат — больш... камянёў

Глабальнае пацяпленне можа выклiкаць засуху на вялiкiх прасторах зямлi, а таксама прывесцi да росту колькасцi людзей з мочакаменнай хваробай.

Прычынай гэтага захворвання часта з’яўляецца абязводжванне, калi арганiзм не ў стане вывесцi нежаданыя мiнералы, што назапашваюцца ў нырках. У даследаваннi Унiверсiтэта Тэхаса гаворыцца, што да 2050 года ў вынiку павышэння тэмпературы ў самых засушлiвых раёнах ЗША мочакаменная захваральнасць можа вырасцi на 30 працэнтаў.

Вядучая рубрыкi Святлана БАРЫСЕНКА.