Беларускія спартсмены пакiнулi дастойны след на пекiнскай старонцы алiмпiйскага летапiсу

Источник материала:

"Паспяховае правядзенне ХХIХ Алiмпiйскiх гульняў стала магчымым дзякуючы вялiкай падрыхтоўчай рабоце, праведзенай кiраўнiцтвам Кiтайскай Народнай Рэспублiкi, а таксама шчыраму энтузiязму i высокаму душэўнаму ўздыму, з якiмi ўсе прадстаўнiкi кiтайскага грамадства рыхтавалiся да Алiмпiяды, — адзначаецца ў пасланнi. — Блiскучая арганiзацыя алiмпiйскiх мерапрыемстваў такога небывалага маштабу, эстэтычнага ўзроўню i эмацыянальнага напалу, як цырымонiя адкрыцця Алiмпiяды, пацвярджае, што сучаснаму Кiтаю пад сiлу любыя самыя грандыёзныя здзяйсненнi — i ў сферы спорту, i ў сферы палiтыкi, i ў сферы эканомiкi.

Аляксандр Лукашэнка адзначыў, што беларускiя спартсмены са свайго боку таксама зрабiлi ўсё магчымае, каб пакiнуць дастойны след на пекiнскай старонцы алiмпiйскага летапiсу.

Кiраўнiк беларускай дзяржавы таксама выказаў удзячнасць Ху Цзiньтао за тое, што, нягледзячы на насычаны графiк работы, ён знайшоў магчымасць правесцi двухбаковую сустрэчу, у ходзе якой былi абмеркаваны найбольш актуальныя пытаннi развiцця беларуска-кiтайскiх адносiнаў.